تورکیه آوروپا-دان قرارینی دوزلدیلمه‌سینی گؤزلییر
تورکیه آوروپا بیرلیگی‌نین سیاحت محدودیت‌لرینه دایر قرارین دوزلدیلمه‌سینی گؤزلییر.
تورکیه آوروپا بیرلیگی‌نین سیاحت محدودیت‌لرینه دایر قرارین دوزلدیلمه‌سینی گؤزلییر.
خاریجی ایشلر ناظیرلیگی سؤزچوسو هامی آکسوی مؤوضوعا دایر بیر سوالا جاوابیندا دئییب:
"آوروپا بیرلیگی-نین واجیب اولمایان سیاحت محدیت‌لریله علاقه‌دار محدودوییتین بو گوندن لغو اولونماسی اوچون آلدیغی قرارداکی سیاهیدا تورکیه-نین یئر آلماماسیندان مایوسلوق دویدوق، بونون دوزلدیلمه‌سینی گؤزلییریک".
تورکیه-نین یئنی نوع کروناویروس (کووید-19) اپیدمیسی ایله موباریزه تدبیرلری چرچیوه‌سینده گؤردوگو ایشلر و الده ائتدیگی موفقیتین معلوم اولدوغونو وورغولایان آکسوی "دونیا ساغلیق تشکیلاتی و اولوسلار آراسی توپلوم طرفیندن نومونه اولان بو اوغور نظره آلینما‌لی و قرار اوبیئکتیو معیارلار اساسیندا قبول ائدیلمه‌لی ایدی" دئییب.
آکسوی تورکیه-نین پاندمی مودتینده اولوسلار آراسی توپلوملا نومونه هم رای‌لیک اورتایا قویدوغونو بیل‌دیره‌رک بونلاری دئییب:
تورکیه پاندمی چرچیوه‌سینده آوروپا قوروم‌لاری ایله دقیق و شففاف معلومات موبادیله‌سی و امکداش‌لیغی داوام ائتدیره‌جک. وطنداش‌لاریمیزا یؤنلدیلمیش سیاحت محدودیتی مؤوضوعسوندا ائدیلن سهوین یاخین زاماندا
دوزلدیلمه‌سینی گؤزلییریک".
قئید ائدکی کی، آوروپا بیرلیگی شوراسی ژوئیه آیی‌نین 1-دن وطنداش‌لاری اوچون سرحدلرینی آچاجاغی اؤلکه‌لرین سیاهی‌سینی راضیلاشدیریب.
همین اؤلکه‌لر آوسترالیا، گونئی کره، الجزایر، گورجوستان، کانادا، مراکش، مونته نگرو، رواندا، صربیستان، تایلند، تونیس، اوروگوئه ، ژاپونیا، یئنی زئلاندیا‌دیر. همچنین بیلدیریلیب کی، قارشی‌لیق‌لی شکیلده اولا‌جاقسا، چین ایله ده سرحدلر آچیلا بیلر.
تورکیه، امریکا، روسیا، برزیل، هیندوستان کیمی اؤلکه‌لره ایسه آوروپا بیرلیگی اؤلکه‌لری‌نین سیاحت محدودیت‌لری داوام ائدیر.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
