"هئچ کس شانلی بایراغیمیزا ال اوزادا بیلمز"
تورکیه یاندیریلان بایراقلا علاقه‌دار یونانیستانا رئاکسیا وئردی.
1420581
تورکیه یونانیستانین پایتاختی آتن-ده تورک بایراغی‌نین یاندیریلماسینی عیرقچیلیق اولا‌راق خاراکتریزه ائتدی.
خاریجی ایشلر ناظیرلیگی‌نین سؤزچوسو حامی آکسوی "عیرقچی دوشونجه‌ده اولان‌لار هله ده لازیمی درسی آلماییب‌لار. هئچ کیم شانلی بایراغیمیزا ال اوزادا بیلمز!" ایفاده‌سینی ایشلدیب.
حامی آکسوی "توییتر" اوزریندن ائتدیگی پایلاشمادا دئییب کی، تورکیه جمهوریتی‌نین بانیسی آتاتورک ایزمیرین یونان ایشغالیندان خلاص ائدیلمه‌سیندن سونرا (1923) آیاغی‌نین آلتینا سریلن یونان بایراغینی تاپدالامادی. اوردولاریمیز ایزمیری گئری آلدیقدا آتاتورک آیاغی‌نین آلتینا سریلن یونان بایراغینی "بو بیر میللتین شرفی‌دیر" دئیه تاپدامادی. آرا‌دان یوز ایل کئچدی. عیرقچی دوشونجه‌لر هله ده لازیمی درسی آلماییب. هئچ کس شانلی بایراغیمیزا ال اوزادا بیلمز".
