بو گون میللی اگمنلیگ و اوشاق بایرامی
تورکیه-ده 23 آوریل میللی اگمنلیک و اوشاق بایرامی ایله تورکیه بؤیوک میللت مجلیسینین 100-جو ایلدؤنومو قئید اولونور.
تورکیه-ده 23 آوریل میللی اگمنلیک و اوشاق بایرامی ایله تورکیه بؤیوک میللت مجلیسینین 100-جو ایلدؤنومو قئید اولونور.
بو موناسیبتله پایتاخت آنکارانین آتاتورک ماوزولئیینده - آنیتکابیرده مراسیم تشکیل ائدیلیب. تدبیرده تورکیه بؤیوک میللت مجلیسینین صدری مصطفی شنتوپ آنیتکابیرین اؤنونه قیرمیزی و آغ قرهنفیل اکلیلی قویاندان سونرا دؤورون قهرمانلاری و شهیدلری بیر دقیقهلیک سکوتلا یاد ائدیلیب، سونرا ایستیقلال مارشی اوخونوب.
مراسیمده جمهور باشقانی اردوغان ین بیرینجی یاردیمجیسی فواد اوقتای، سیاسی پارتی رهبرلری، بیر سیرا ناظیر و میللت وکیللری ایشتیراک ائدیب.
مصطفی شنتوپ میثاقی-میللی قوللهسینده ماوزولئیین خاطره دفترینه اورک سؤزلرینی یازیب.
اؤلکهنین میللی تحصیل ناظیری ضیا سئلچوک دا پایتاخت آنکادا یئرلشن آتاتورک ماوزولئیینی - آنیتکابیری زیارت ائدیب. او، آنیتکابیر خاطره دفترینه بو سؤزلری یازیب: “هر بیر اوشاغین حیاتیندا گؤزل ایزلر بوراخماق اوچون وار قوهمیزله چالیشیریق. بو شعورلا میللی و معنوی دیرلره صادق، عموم بشری ایدیالارا آچیق، بیلیک و باجاریقلارینی ایداره ائدن، آزاد و ویجدانلی نسیللر یئتیشدویرمک اوچون سعیلریمیزی اسیرگمیریک”.
23 آوریل میللی اگمنلیک و اوشاق بایرامینین 100-جو ایلدؤنومو ایله علاقهدار ایستانبولون تاکسیم میدانی جمهوریت عابدهسی اؤنونده ده مراسیم تشکیل ائدیلیب.