آوروپا اؤلکه لرینده یاشایان 109 تورک کروناویروس‌دان وفات ائدیب

آوروپا-دا سرعتله یاییلان یئنی نوع کروناویروس (کووید-19) اپیدمیاسی نتیجه سینده 109 تورک هلاک اولوب.

معلوماتا گؤره، آوروپا-دا یئنی نوع کروناویروسا یولوخان‌لارین سایی 440 مینی کئچیب، بو سببدن وفات ائدنلرین سایی ایسه 31 مینه یوکسلیب. بون‌لاردان 109-و ایسه تورک‌دور.

معلوماتدا بیلدیریلیب کی، فرانسادا یئنی نوع کروناویروس اپیدمیاسیندان 40، هوللاندیا-دا 21، آلمانیا-دا 20، بلژیک-ده 10،سوئد-ده 6، اینگیلتره-ده 6، سوئیس-ده 3 و اطریش-ده 2 تورک وفات ائدیب.