تورکیه-ده کروناویروس‌دان ایلک اؤلوم قئیده آلینیب
تورکیه-ده کروناویروس‌دان 89 یاش‌لی بیر کیشی دونیاسینی دییشدی، یولوخما سایی 98-ا چاتدی.
1380257
تورکیه-ده کروناویروس‌دان 89 یاش‌لی بیر کیشی دونیاسینی دییشدی، یولوخما سایی 98-ا چاتدی.
اؤزو ده حکیم اولان ساغلیق ناظیری فخرالدین کوجا بونونلا باغلی آچیقلاماسیندا بیلدیردی کی، حیاتینی ایتیرن 89 یاش‌لی کیشییه ویروس چین تماس‌لی بیر ایشچی‌سیندن یولوخوب. داها 51 نفرده کروناویروس تست‌لری‌نین نتیجه‌لری مثبت چیخدی، نتیجه‌لری مثبت اولان خسته‌لر آراسیندا معالجه یه تابع اولان‌لار دا وار.
ناظیر آیریجا اها‌لییه تدبیرلره عمل ائتمه‌لرینی و بیر آی یاریم، ایکی آی بو وضعیته دؤزمه‌لرینی ایسته‌دی.
قئید ائدک کی، کروناویروس اینفکسیونونا یولوخما حالی تورکیه-ده ایلک دفعه 7 گون اؤنجه آشکارلانیب. حاضردا عمومی‌لیکده تهلوکه‌لی ویروسا یولوخان‌لارین سایی 98 نفردیر.
