اردوغان:"بو گئجه ادلیب-ده آتشکس قوه‌یه مینه‌جک"

جمهور باشقانی اردوغان و پوتین سوریه-نین ادلیب شهرینده آتشکس حاقیندا راضیلیغا گلدی‌لر.

1372970
اردوغان:"بو گئجه ادلیب-ده آتشکس قوه‌یه مینه‌جک"

جمهور باشقانی اردوغان و پوتین سوریه-نین ادلیب شهرینده آتشکس حاقیندا راضیلیغا گلدی‌لر.

جمهور باشقانی رجب طیب اردوغان سوریه-نین ادلیب بؤلگه‌سینده بو گئجه یاری‌سیندان اعتباراً قوه‌یه مینه جگینی آچیقلاییب.

جمهور باشقانی اردوغان و روسیا‌لی همکاری ولادیمیر پوتین آراسینداکی کریتیک سوریه گؤروشو باشا چاتیب.

گؤروشدن سونرا اردوغان و پوتین مطبوعات کنفرانسی تشکیل ائدیب‌لر.

اردوغان پوتین ایله تخمینا 6 ساعات داوام ائدن گؤروش کئچیردیک‌لرینی سؤیله‌ییب:

"ادلیب-ده یاشایان 4 میلیون اینسانی ترورچو اعلان ائدیب، آغیر بومباردمانلا قارشی- قارشییا بوراخیلماسینی قبول ائتمه‌میز غیری -مومکون‌دور. رژیم‌دن قاچان 1،5 میلیون بؤلگه خالقی سینیرلاریمیزا گلیب. تورکیه بئله بیر تهدید قارشی‌سیندا الی-قولو باغلی دورمایاجاغیق".

اردوغان 2018-جی ایلده ادلیب گرگین‌لیگی آزالتما بؤلگه‌سی‌نین یارادیلدیغی سوچی راضیلاشماسی‌نین اساس‌لارینی پوزان آدیم‌لارین بیرینجی درجه ده سوروملوسونون سالدیرقانلیغی ایله بولگه ثابت‌لیگینی هدف آلان سوریه رژیمی‌نین اولدوغونو سؤیله‌ییب.

"رژیمین عسگرلریمیزی هدفه آلدیغی تجاوزکار آددیم‌لاری نتیجه‌سینده یاشانان اوزوجو حادثه‌لردن سونرا ادلیب-ده یئنی بیر ایستاتوسون یارادیلماسی قاچیلمازدیر" دئییب.

اردوغان بؤلگه‌ده آتشکسین گئجه یاری‌سیندان اعتباراً قوه‌یه مینه جگینی قئید ائدیب.

"تورکیه بو پروسه ده رژیمین ائده بیله جگی هر هوجوما بوتون گوجویله و بوتون ساحه‌ده جاواب وئرمه حقوقونو اؤزونده ساخلایا‌جاق" دئیه اردوغان خبردارلیق ائدیب.

ائو صاحبی پرزیدنت ولادیمیر پوتین ده اؤز نوبه‌سینده دئییب:

"هر دفعه کریتیک آنلاردا ایکی طرف‌لی موناسیبت‌لرده الده اولونموش یوکسک سویه‌یه سؤیکنه‌رک، ایندیدک موباحیثه‌لی آنلاردا کسیشمه نقطه‌سینی، مقبول قراری تاپا بیلیریک. بو دفعه ده بئله اولدو"،

ولادیمیر پوتین بیلدیریب کی، روسیا و تورکیه سوریه پروبلئمی‌نین نیظاملانماسی اوچون بیرگه سندی راضیلاشدیریب.

ولادیمیر پوتین بو ایل اوچونجو دفعه گؤروشدوک‌لری پرزیدنت اردوغانا زیارت اوچون تشککور ائدیب.



ایلگیلی‌لی خبرلر