ایران گلن یولجو اوچاغی کرونا ویروس شوبهه سینه گوره آنکارا-دا ائنیب

ایران-ین پایتاختی تهران-‌دان قالخا‌راق ایستانبولا گلمک اوچون حرکت ائدن یولجو طیاره‌سی کرونا ویروس شوبهه‌سینه گؤره آنکارانین اسن بوغا هاوا لیمانینا ائنیب.

1366294
ایران گلن یولجو اوچاغی کرونا ویروس شوبهه سینه گوره آنکارا-دا ائنیب

ایران-ین پایتاختی تهران-‌دان قالخا‌راق ایستانبولا گلمک اوچون حرکت ائدن یولجو طیاره‌سی کرونا ویروس شوبهه‌سینه گؤره آنکارانین اسن بوغا هاوا لیمانینا ائنیب.

حرارتی نرمال‌دان یوکسک اولان 17 یولجو دا شوبهه‌لی حال قئیده آلینیب.

ساغلیق ناظیری فخرالدین کوجا یایدیغی یازیلی آچیقلامادا ایران-‌دان تورکیه-‌یه قاییتماق ایسته‌ین تورکیه وطنداش‌لاری اوچون خصوصی سفر تشکیل ائتدیک‌لرینی بیلدیره ره ک، "ایران-‌دان بو سفرله گلن تورکیه وطنداش‌لاری 14 گون مودتینه نظارت آلتیندا ساخلانیلا‌جاق‌لار" ایفاده‌لرینی ایشلدیب.

بو چرچیوه‌ده آنکارایا ائنیش ائدن تورک هاوا یول‌لارینا مخصوص تهران-‌دان قالخان طیاره‌دکی 132 تورکیه وطنداشی و اکیپاژین ایلک یوخلاما‌لاردان و قرنطینه پروسه لری اوچون داها اول بوشالدیلمیش و قرنطینه خسته‌خاناسی کیمی حاضیرلانمیش دؤکتور زکایی طاهیر بوراک خسته‌خاناسینا نقل اولوناجاغینی بیلدیرن ناظیر کوجا یولجولارین دئتال‌لی معالینه لریندن سونرا نومونه‌لر گؤتوروله‌رک، آنالیزلرین تاماملاناجاغینی دئییب.

23 فوریه دان اعتباراً ایران ایله قورو، دمیر و هاوا یولو کئچیدلری‌نین دایاندیریلدیغینی خاطیرلا‌دان ناظر، آنجاق هاوا یولو ایله تورکیه-‌دن ایرانا قاییتماق ایسته‌ین ایران وطنداش‌لاری اوچون هر هانسی مانعه اولماغینی بیلدیریب.

ناظیر کوجا تویتر صحیفه‌سیندکی پایلاشماسیندا ایسه، تورکیه-‌ده یئنی کرونا ویروس اپیدمیاسی آشکارلانمادیغینی وورغولاییب.

موافیق ناظیرلیک‌لرین امکداش‌لیغی، علمی هئیتین رهبرلیگی و تجروبه‌لی طب امکداش‌لاری ایله تورکیه-نی بو خسته‌لیک‌دن قوروماق اوچون ایستنیلن جهدین گؤستریلدیگینی قئید ائدن کوجا ویروسا قارشی گؤرولن تدبیرلرین داوام ائتدیگینی سؤیله‌ییب.



ایلگیلی‌لی خبرلر