سینیرلی اوغلو:"تورکیه ادلیب-ده تهدید تشکیل ائدن بوتون هدف‌لری وورا‌جاق"

فریدون سینیرلی اوغلو سوریه-ده رژیمین "ترورلا موباریزه" بهانه‌سی ایله هاوا و قورودان هوجوم‌لارینی داوام ائتدیردیگینی و فاجعه‌لی اینسانی وضعیتین ناراحات‌لیق سویه‌سینه چاتدیغینی قئید ائدیب.

1363131
سینیرلی اوغلو:"تورکیه ادلیب-ده تهدید تشکیل ائدن بوتون هدف‌لری وورا‌جاق"

تورکیه سوریه-نین ادلیب بؤلگه‌سینده تهدید تشکیل ائدن بوتون هدف‌لری وورا‌جاق.

بونو تورکیه-‌نین بمت-دکی دایمی نماینده‌سی فریدون سینیرلی اوغلو بمت تهلوکه‌سیزلیک شوراسیندا ائتدیگی چیخیشیندا دئییب.

فریدون سینیرلی اوغلو سوریه-ده رژیمین "ترورلا موباریزه" بهانه‌سی ایله هاوا و قورودان هوجوم‌لارینی داوام ائتدیردیگینی و فاجعه‌لی اینسانی وضعیتین ناراحات‌لیق سویه‌سینه چاتدیغینی قئید ائدیب.

سینیرلیوغ‌لو سون 2 آیدا تخمینن بیر میلیون اینسانین دیدرگین دوشدوگونه و ان بؤیوک کوتلوی کؤچون سوریا‌داکی 9 ایللیک محاربه‌ده یاشاندیغینا دقت چکیب.

"دمشق‌-ده کی سوی قیریم طرفداری رژیم 2019-جو ایلین دسامبر آیین‌دان بری‌دیر 2 مین‌دن چوخ اینسانین اؤلومونه سبب اولدو و بو حرکت‌لر محاربه جینایت‌لری و بشریته قارشی جینایت‌لر تشکیل ائدیر" دئیه سینیرلی اوغلو قئید ائدیب.

ادلیب-ده کی دوشرگه‌لرین یئترلی اولمادیغینی و عاجیل اولا‌راق یئنی دوشرگه‌لر قورولماسینا احتیاج دویولدوغونو وورغولایان سینیرلی اوغلو بو احتیاج‌لارین اؤدنیلمه‌سی اوچون تورکیه-‌نین بمت و آلمانیا ایله ایشلدیگینی و 9 میلیون‌دان چوخ سوریه-لیگه کؤمک‌لیک گؤستریلدیگینی بیلدیریب.

رژیمین ادلیب-ده کی تورکیه قوه‌لرینه قصداً هوجوم‌لارینی داوام ائتدیردیگینی سؤیله‌ین فریدون سینیرلی اوغلو تورکیه-‌نین داها 5 عسگری‌نین شهید اولدوغو هوجوم‌لارا قانونی مودافعه حقوقو چرچیوه‌سینده درحال جاواب وئردیگینی خاطیرلادیب.

سینیرلی اوغلو "تورکیه ادلیب-ده تهدید تشکیل ائدن بوتون هدف‌لری وورا‌جاق. عسگریمیزی گئری چکمه‌یه‌جییک. تورکیه موشاهیده منطقه لریندن گئری چکیلمه‌یه‌جک. آیین آخیرینادک موجود موضع لریندن چکیلمه‌سی لازیم اولان رژیم‌دیر" ایفاده‌لرینی ایشلدیب.



ایلگیلی‌لی خبرلر