حولوصی آکار ادلیب ایله باغلی آچیقلاما وئریب

میللی مودافعه ناظیری حولوصی آکار سوریه-نین ادلیب شهرینده آتشکسی تامین ائتمک و دایمی حالا گتیرمک اوچون علاوه حربچی‌لرله ساحه‌یه نظارت ائدیله جگینی سؤیله‌ییب.

حولوصی آکار ادلیب ایله باغلی آچیقلاما وئریب

میللی مودافعه ناظیری حولوصی آکار سوریه-نین ادلیب شهرینده آتشکسی تامین ائتمک و دایمی حالا گتیرمک اوچون علاوه حربچی‌لرله ساحه‌یه نظارت ائدیله جگینی سؤیله‌ییب.

آکار "رادیکال‌لار داخیل آتشکسه عمل ائتمه‌ین‌لره قارشی زوراکی‌لیق‌دان ایستیفاده ائدیله‌جک و ایستنیلن هر تدبیر گؤروله جکدیر" دئییب.

میللی مودافعه ناظیری حولوصی آکار ناتو-یا عضو اؤلکه‌لرین مودافعه ناظیرلری ییغینجاغی‌نین کئچیریلدیگی بئلچیکانین پایتاختی بروکسل-ده ژورنالیست‌لرین ادلیب‌دکی وضعیته دایر سوال‌لارینا جاواب وئریب:

"ادلیب مسئله‌سی‌نین ده موذاکیره اولوندوغو آنا ایجلاسدا تورکیه-‌نین دوشونجه و گؤزلنتی‌لرینی ناتو رسمی‌لری و متفیق اؤلکه‌لرین مودافعه ناظیرلریله بؤلوشمک ایمکانی الده ائتدیک. ادلیب-ده سون وضعیت اوکتبر آییندا کئچیریلن سون ناتو مودافعه ناظیرلری ییغینجاغیندان بری‌دیر خیلی منفی ایستیقامتده ایرلیلییر. 4 میلیون سوریه-لی‌نین یاشادیغی بو بؤلگه‌ده تورکیه ضامین دؤولت‌لردن بیری‌دیر".

آتشکسین تامین اولونماسی اوچون کؤچون قارشی‌سی‌نین آلینماسی و آخان قانین دایانماسی اوچون جهد گؤستردیک‌لرینی وورغولایان آکار رژیمین ایندیدک اعلان ائدیلن دؤرد آتشکس قرارینا رغما هاوا و قورودان هوجوم‌لارینی داوام ائتدیردیگینی و بو هوجوم‌لارین شدتی‌نین گئده‌رک آرتیغینی سؤیله‌ییب.

آکار رژیمین هوجوم‌لاری‌نین رادیکاللاشمانی و کؤچو ده آرتیردیغینی بیل‌دیره‌رک، تقریباً 1 میلیون سوریه-لی‌نین ائولریندن و وطن‌لرین‌دن قاچا‌راق آغیر قیش شرایطینده چاره‌سیزجه رژیم بؤلگه‌سی ایستیقامتینده دئییل، اؤزلرینی امین-آمان‌لیق ایچینده حیس ائتدیک‌لری تورکیه طرفه اوز توتوردوق‌لارینی بیلدیریب.

بو اینسانی فاجعه‌یه دونیانین سس‌سیز قالماماسی‌نین واجیب‌لیگینی وورغولایان حولوصی آکار تورکیه سلاح‌لی قوه‌لری‌نین بؤلگه‌دکی نظارت منطقه‌لرینه دایر ایسه دئییب کی، آتشکسی تامین ائتمک و دایمی حالا گتیرمک اوچون علاوه حربی دسته‌لر گؤندریریک، ساحه‌یه نظارت ائدجییک. رادیکال‌لار داخیل آتشکسه عمل ائتمه‌ین‌لره قارشی زوراکی‌لیق‌دان ایستیفاده ائدیله‌جک و ایستنیلن هر تدبیر گؤروله جکدیر. تقویت ائدیلن موشاهیده منطقه‌لریمیز ساحه‌دکی وضعیته موشاهیده ائدیلمه‌سینده اؤنملی رول اویناماغا داوام ائده‌جک. ادلیب‌دکی موجودلوغوموزو گوجلندیرمییمیزین مقصدی آتشکسین دایمی تامین ائدیلمه‌سی‌دیر. هر هانسی عنصورون هوجومونا قارشی لازیم گلدیکده گوج‌دن ایستیفاده ائتمک داخیل قرارلی آتشکسین تامین ائدیلمه‌سی ایستیقامتینده ایستنیلن تدبیرین گؤرولدوگونو و گؤروله جگینی بیر داها ایفاده ائتمک ایستییرم" دئییب.

 



ایلگیلی‌لی خبرلر