داغینتی آلتیندا قالان‌لارین آختاریش- قورتارما ایشلری داوام ائدیر

الازیغ بؤلگه‌سینده فوق العاده حال‌لار و عاجیل یاردیم ایداره‌سی (آفاد)، تورکیه قیزیل آی جمعیتی، اولوسلار آراسی مئدیکال قورتارما قروپو (اومکه)، دیگر عاجیل و اینسانی یاردیم بیرلیک‌لری آراما-قورتارما ایشلرینی داوام ائتدیریرلر.

1347646
داغینتی آلتیندا قالان‌لارین آختاریش- قورتارما ایشلری داوام ائدیر

الازیغ بؤلگه‌سینده فوق العاده حال‌لار و عاجیل یاردیم ایداره‌سی (آفاد)، تورکیه قیزیل آی جمعیتی، اولوسلار آراسی مئدیکال قورتارما قروپو (UMKE)، دیگر عاجیل و اینسانی یاردیم بیرلیک‌لری آراما-قورتارما ایشلرینی داوام ائتدیریرلر.

الازیغ ایلی نین سیوریجه قصبه‌سینده ژانویه نین 24-ده تورکیه ساعاتی ایله 20.55-ده میدانا گلن 6،8 شدتینده کی زلز‌له‌ده 38 آدام حیاتینی ایتیریب، 1607 نفر یارالانیب. بو زامانا قدر 45 اینسان قورتاریلارکن، داغینتی آلتیندا قالان آدام‌لارین قورتارما ایشلری داوام ائدیر.

یئرین 6،75 کیلومتر درینلیگینده میدانا گلن و تخمینا 40 ثانیه سورن زلز‌له آدانا، حاتای، عثمانیه، تونجلی، غازی آنتپ، شانلی اورفا، مالاتیا، ماردین، سامسون، توکات، چوروم، ماردین، کایسری و سوریه-نین قوزیی ینده حیس اولونوب.

ایچ ایشلر ناظیری سلیمان سویلو، چئوره و شهرسالما ناظیری مراد کوروم و ساغلیق ناظیری فحرالدین کوجا زلز‌له بؤلگه‌سینه گئدیب و یئرینده آراشدیرما‌لار آپاریب‌لار.

سلیمان سویلو، مراد کوروم و فخرالدین کوجا 6،8 شدت ینده کی زلز‌له‌له علاقه‌دار الازیغ والیلیگیندکی کووردیناسیون مرکزینده تشکیل اولونان مطبوعات کنفرانسیندا چیخیش ائده‌رک معلومات وئریب‌لر، بیلدیریب‌لر کی، زلز‌له بؤلگه‌سینده صحرا خسته‌خانا‌لاری و 50-دن یوخاری چادیر قوراشدیریلیب، عاجیل یاردیم اوچون هم  هلی کوپتر، هم طیاره‌لر حاضردیر، 368 آدام‌دان عبارت 184 قروپ دیین زیانی تثبیت ایشلری ایجرا ائدیر. ایچمه‌لی سو، آریتما مرکزلری و کانالیزاسیون سیستمی نورمال چالیشیر.

قئید ائدک کی، الازیغ بؤلگه‌سینده فوق العاده حال‌لار و عاجیل یاردیم ایداره‌سی (آفاد)، تورکیه قیزیل آی جمعیتی، اولوسلار آراسی مئدیکال قورتارما قروپو (اومکه)، دیگر عاجیل و اینسانی یاردیم بیرلیک‌لری آراما-قورتارما ایشلرینی داوام ائتدیریرلر.



ایلگیلی‌لی خبرلر