چاووش اوغلو میصر-ا رئاکسیا گؤستردی

خاریجی ایشلر ناظیری مولود چاووش اوغلو تلویزیون پروقراملاریندان‌ بیرینده خاریجی سیاست‌دکی سون وضعیتی قیمتلندیردی.

ناظیر چاووش اوغلو آچیقلاماسیندا آنادولو خبر آژانسی‌نین قاهیره‌دکی اوفی‌سینه میصر پولیسی‌نین موداخیله‌سی قبول ائدیلمزدیر، واجیب اولان آدیم‌لاری آتیریق دئدی.

"داها اول ده ناراحات‌لیق دوغوران حال‌لار اولوب. خصوصیله “آنادولو” آژانسیندا ایشله‌ین یئرلی اینسان‌لارا ایستیقامت‌لی اولدوغونو دا گؤروروک. لاکین نتیجه‌ده کیمین اولدوغو اهمیت‌لی دئییل، میصر پولیسی‌نین بو حرکتی قبول ائدیلمزدیر. آچیقلاما‌لاریمیزی دا وئردیک. هم میصرین بورداکی میسیونو نزدینده، هم ده قاهیره‌دکی سفیرلیگیمیز لازیم اولان گؤروش‌لر کئچیریلدی. پیس رفتار ائدیلمیر، آنجاق گؤزداغی وریرلر. خصوصیله پرزیدنتیمیزین (میصرین سابیق پرزیدنتی) مرسی‌نین اؤلومو ایله علاقه‌دار ایستینتاقا احتیاج اولدوغونو وورغولاماسی میصرلی‌لری آگرسیف اولماغا گتیریب چیخاردی. سون گون‌لرده لیبیا-دا آتشکس مسئله سینده روسیا ایله قت ائتدیگیمیز مسافه یاخود جهدلریمیز آرتینجا میصرین بیراز دا آگرسیف اولماغا باشلادیغینی گؤروروک" دئیه چاووشوغ‌لو وورغولاییب.