جمهور باشقانی اردوغان: "تورکیه اینجیرلیک بازاسینی باغلایا بیلر"
جمهور باشقانی رجب طیب اردوغان امریکانین ایکی طرفلی موناسیبت‌لرده تعمیری مومکون اولمایان آدیم‌لار آتماماسی‌نین واجیب‌لیگینی و سناتین قراری‌نین سیاسی اولدوغونو وورغولادی.
جمهور باشقانی رجب طیب اردوغان امریکانین ایکی طرفلی موناسیبت‌لرده تعمیری مومکون اولمایان آدیم‌لار آتماماسی‌نین واجیب‌لیگینی و سناتین قراری‌نین سیاسی اولدوغونو وورغولادی.
جمهور باشقانی اردوغان کانال‌لاردان بیرینده ایشتیراک ائتدیگی پروقرامدا کئچن هفته امریکا سناتی‌نین 1915-جی ایل حادثه‌لرینی دیرناقاراسی “سوی قیریم” اولا‌راق تانییان لاییحه‌نی قبول ائتمه‌سینه رئاکسیا گؤستره‌رک دئییب:
“قبول ائتدیگینیز بو قرارلارین بیر قیمتی یوخ‌دور. چونکی بو قرارلارینیز تامامیله سیاسی‌دیر. تورکیه لازیم گلسه تحریم تطبیق ائده بیلر. هر ایکی طرف اوچون چوخ اهمیت‌لی‌دیر کی، امریکانین موناسیبت‌لریمیزده دوزلدیلمه‌سی مومکون اولمایان آدیم‌لار آتماماسی هر ایکی طرف اوچون چوخ واجیب‌دیر. البته کی، تورکیه امریکانین ایستنیلن تحریم لرینه جاواب وئره‌جک. لازیم گلرسه هم اینجیرلیک، هم ده کورجیکی-ده باغلایاجاغیق".
سوریه بحرانیندا ایسه تورکیه-نین دردی‌نین نفت دئییل، سوریه-لیلرین دینج‌لیگی‌نین نئجه تامین اولوناجاغینی وورغولایان اردوغان ترور تشکیلاتی پ.کا.کا ایله سوریه قولو ی.پ.گ عنصورلاریندان “کورد” دئیه بحث ائتمه‌ین کوردلره حؤرمت‌سیزلیک اولدوغونو دا دیله گتیردی.
“بیز پ.کا.کا ایله موباریزه‌نین داعش ایله اولدوغو کیمی قرارلی و بیرگه آپاریلماسی‌نین واجیب اولدوغو فیکریندییک” دئین اردوغان “حاضردا ترور تشکیلات‌لاری آراسیندا آیری-سئچکی‌لیک قویان‌لارین گله‌جک‌دکی فلاکت‌لرین تمل‌لرینی قویدوق‌لاری” باره‌ده خبردارلیق دا ائدیب.
