تورکیه ایله لیبی آراسیندا ایمضا‌لانان آنلاشما سندی قوه‌یه میندی

لیبی-ده اولوسلار آراسی میقیاسدا تانینان میللی باریشیق حکومتی تورکیه ایله ایمضا‌لانان آنلاشما سندی نین قوه‌یه میندیگینی آچیقلادی.

1320116
تورکیه ایله لیبی آراسیندا ایمضا‌لانان آنلاشما سندی قوه‌یه میندی

لیبی-ده اولوسلار آراسی میقیاسدا تانینان میللی باریشیق حکومتی تورکیه ایله ایمضا‌لانان آنلاشما سندی نین قوه‌یه میندیگینی آچیقلادی.

عدالت ناظرلیگی قایناقلاریندان‌ الده ائدیلن معلوماتا گؤره، میللی باریشیق حکومتی صدرلیک شوراسی‌نین تورکیه ایله ایمضا‌لانان “تهلوکه‌سیزلیک و حربی امکداشلیغا دایر راضیلاشما سندی” و "دنیز صلاحیت ساحه‌لری‌نین محدودلاشدیریلماسینا دایر راضیلاشما سندی” ایله علاقه‌دار قراریندا علاقه لی قوروم‌لاردان راضیلاشمانین تصدیقلندیگی تاریخ‌دن اعتباراً قوه‌یه میندیریلمه‌سی ایستنیب.

قراردا آیریجا، اؤلکه‌ده قبول اولونان قرارلارین آیری دئییل، تک بیر جیلدده یاییملاندیغینا و قرارین گلن ایلین اولینده رسمی قزئتده درج اولوناجاغینا دقت چکیلیب.

قئید ائدک کی، میللی باریشیق حکومت شوراسی دسامبرین 5-ده “تهلوکه‌سیزلیک و حربی امکداشلیغا دایر راضیلاشما سندی” و "دنیز صلاحیت ساحه‌لری‌نین محدودلاشدیریلماسینا دایر راضیلاشما سندی”نی تصدیقلمیشدی.

تورکیه ایله لیبی-ده کی میللی باریشیق حکومتی آراسیندا 27 نوامبردا “تهلوکه‌سیزلیک و حربی امکداشلیغا دایر راضیلاشما سندی” و "دنیز صلاحیت ساحه‌لری‌نین محدودلاشدیریلماسینا دایر راضیلاشما سندی” ایمضالانمیشدی.



ایلگیلی‌لی خبرلر