تورکییه‌دن فرانسایا تپکی

"پلیسین اورانتیسیز گوج قوللانماسینی قایغی  ایله قارشیلاییریق"

تورکییه‌دن فرانسایا تپکی

آنکارا، فرانسا پلیسینین گؤستریلر سیراسیندا آنادولو آژانسی خبرچیسینین ده آرالارین‌دا اولدوغو ژورنالیستلره سرت مداخیله‌سینه تپکی وئردی.

ایله‌تیشیم باشقانی فخرالدین آلتون سوسیال مئدیا حسابی تویتردن وئردیگی آچیقلامادا فرانسا پلیسینین اورانتی‌سیز گوج قوللانماسینی قینادی.

 آلتون، بو ایفاده‌لری ایشلتدی:

"پاریسده یاشانان گؤستریلری تعقیب ائد‌ن آنادولو آژانسی فوتو خبرچیسی مصطفی یالچینا فرانسا پلیسی طرفین‌دن گاز کپسولو ایله ائدیله‌ن سالدیرینی ان سرت شکیل‌ده قیناییرام.

ایله‌تیشیم باشقان‌لیغی اولاراق ایلگیلی قوروم و قورولوشلاریمیزلا بیرلیک‌ده پروسه‌نین تعقیبچی‌سی اولاجاییق".

خاریجی ایشلر باخانلیغی دا وئردیگی آچیقلامادا،

"پلیسین اورانتیسیز گوج قوللانماسینی قایغی  ایله قارشیلاییریق" دئدی.

فرانسا حکومتینه، آوروپا و ائورنسل اینسان حاقلاری نورمالارینا اویغون حرکت ائتمه چاغریسی ائدیله‌ن آچیقلامادا،

"گؤستریلری دونیایا چاتدیرماق اوچون چالیشانلار، آرالارین‌دا آنادولو آژانسی خبرچیسنین ده یئر آلدیغی مطبوعات منسوبلارینین پلیس مداخیله‌سی ایله یارالانمالارینی، مطبوعات اؤزگورلوگونه دایر قبول ائدیلمز بیر فیزیکی مداخیله اولاراق گؤروروک" ایفاده‌سینه یئر وئریلدی. آچیقلامادا، فرانسا رسمی مقاملارینین، عذر آچیقلاماسی وئرمه‌مه‌سینین دورومون قورخونجلوغونو داها دا آرتیردیغینا دقت چکیلدی.

باخانلیق، تورک وطنداشلارینا فرانسایا سیاحت اویاریسی دا ائتدی. آچیقلامادا، فرانسادا اولان و فرانسایا سیاحت ائد‌جک تورک وطنداشلارینین اؤلکه‌ده‌کی منفی شرطلری نظره آلمالاری و سیاحتلرینی بو ایستیقامت‌ده پلانلامالاری اویاریسی وئریلدی.



ایلگیلی‌لی خبرلر