اردوغان، ناتو توپلانتیسینا گئدیر

اردوغان، ناتو بیرلیگی‌نین قورولوشونون 70اینجی ایل دؤنومو سببین‌دن باشکند لندنده کئچیریله‌جک ناتو لیدرلر توپلانتی‌سینا قاتیلماق اوچون، بیرلشیک کرال‌لیق‌ا گئدیر

اردوغان، ناتو توپلانتیسینا گئدیر

تورکیه پرزیدنت رجب طیب اردوغان، ناتو بیرلیگی‌نین قورولوشونون 70اینجی ایل دؤنومو سببین‌دن باشکند لندنده کئچیریله‌جک ناتو لیدرلر توپلانتی‌سینا قاتیلماق اوچون، بیرلشیک کرال‌لیق‌ا گئدیر.

اردوغان، بو اؤلکه‌یه حرکتین‌دن اوّل هاوا لیمانیندا ائتدیگی آچیقلامادا، گونوموز تهدید اؤنجه‌لیک‌لرینه گؤره ناتو بونیه‌سینده بیر یئنیلمه‌نین قاچینیلماز اولدوغونو وورغولادی.

روسیا ایله علاقه‌لریمیز، موتتفیکلریمیزله ایلیشکیلریمینیزین آلترناتیوی دئییل دئین اردوغان، تورکیه‌نین ناتونون ایمتیناع اورتاغی اولدوغونو قئید ائتدی.

ایرتیباطات باشقانلیغین‌دان ائدیلن آچیقلامایا گؤره ایسه، 3-5 دسامبردا تشکیل ائدیله‌جک توپلانتیا، پرزیدنت اردوغان ایله خاریجی ایشلر ناظیری مولوت چاووش اوغلو، خزینه و مالیه ناظیری برات آلبایراک و میللی ساوونما ناظیری حلوصی آکار دا قاتیلاجاق.

 

لیدرلر توپلانتی‌سیندا، ناتو تورپاق‌لارینا ایستیقامت‌لی تروریزم و دیگر بوتون تهدید و ایمتحان‌لار قارشی‌سیندا بیرلیک و همرای‌لیک ایچینده حرکت ائدیلمه‌سیله آوروپا-آتلانتیک آهنگی‌نین اهمیتی‌نین تصدیق ائدیلمه‌سی پلانلاشدیریلیر.

توپلانتیدا آیریجا، بیرلیگین آکتوال امنیت اورتامی قارشی‌سین‌داکی آداپتاسیونونا ایستیقامت‌لی ایشلرده اوغورلارین ده اله آلینماسی، بو یولدا لیدرلرین تشکیلاتین 2020لی ایللره حاضیرلانماسی باره‌سینده یؤللگه وئریلمه‌سی نظرده توتولور.

 توپلانتیین آردین‌دان لندن بیاننامه‌سینین قبول ائدیلمه‌سی گؤزلنیلیر. پرزیدنت اردوغانین توپلانتی چرچیوه‌سینده قاتیلیمی بعضی دولت و حکومت باشقان‌لاری گؤروشمه گئچیرمه‌سی پلانلاشدیریلیر.

اردوغان، زیارت وسیله‌سیله آیریجا بیرلشیک کرال‌لیق، فرانسا و آلمانیا لیدرلری‌نین قاتیلیمی ایله رئال‌لاش‌دیریلا‌جاق دؤردلو ذیروه‌یه قاتیلاجاق.

ایجلاسدا، سوریه و لیبی باشدا اولماقلا بؤلگه‌سل قالخینما‌لار اله آلینا‌جاق.

پرزیدنت اردوغان، زیارتین‌ین سون گونونده کمبریدگ مسجیدینین آچیلیش مراسیمینه قاتیلا‌جاق.



ایلگیلی‌لی خبرلر