ایبراهیم کالین گوندمی دیرلندیردی
جمهور باشقانلیغی سؤزچوسو ایبراهیم کالین اس-400-لرله علاقهدار امریکا ایله اورتاق بیر ایشین باشلاندیغینی آچیقلادی.
جمهور باشقانلیغی سؤزچوسو ایبراهیم کالین اس-400-لرله علاقهدار امریکا ایله اورتاق بیر ایشین باشلاندیغینی آچیقلادی.
"ت.ر.ت خبر"ین 15 نوامبر جانلی پروقرامیندا گوندمدکی پروسه لری دیرلندیرن ایبراهیم کالین موضوع ایله باغلی دئییب:
"اس-400 و اف-35 موضوع لارینین حلی ایله باغلی پروسه باشلانیلیب. امریکا میللی تهلوکهسیزلیک ایدارهسینین موشاویری روبرت اوبراین و منه تاپشیریلان بو ایشین اوزرینده حال-حاضردا جدی چالیشیریق.
چالیشمانین ناتو-نون کووردیناتورلوغو ایله دئییل، ایکی طرفلی سویهده گئدهجک. چونکی اس-400 مودافعه سیستمی ناتو-نون مودافعه سیستمینه انتگراسیا ائدیلمهدن موستقیل ایستیفاده اولوناجاق.
تورکیه امریکادان "پاتریوت" سیستمینی ده آلماق ایستییر. بو ایکی سیستم بیر-بیرینه تهدید میدانا گتیرمهدن ایستیفاده ائدیله بیلهجک.
"ایشلرین سونوندا معین بیر نتیجهیه واریلمازسا، تورکیه اس-400-و آکتیولشدیرهجک، یا یوخ"، بو مسئله ایسه هله موضوع دئییل. اؤلکه باشچیمیز اردوغان امریکا-دا دا آچیق شکیلده دئدی کی، "روسیا ایله موقاویلهلر باغلاندی، معین راضیلیقلار الده اولوندو: اس-400-دن گئرییه آددیم یوخدور".
تورکیه پرزیدنتی رجب طیب اردوغانین امریکا سفرینی ده قیمتلندیرن ایبراهیم کالین بونلاری سؤیلهییب:
"بیزیم پریزمامیزدان امریکا گؤروشلری اوغورلو کئچدی. تورکیه، همیشکی کیمی، هدف مادهلرینی آچیق و دقیق شکیلده ایفاده ائتدی. امریکا طرفی ایسه تورکیه-نین ترورلا موجادیلهسیله باغلی "بیزیم پلانلاریمیزی پوزدونوز" کیمی جملهلری دیله گتیردی.
2020 -جی ایلین ژانویه آیینین ایلک یاریسیندا ایسه روسیا پرزیدنتی ولادیمیر پوتین ین تورکیه-یه سفری و همکاری رجب طیب اردوغانلا گؤروشو گؤزلنیلیر".