ویکتور اوربان:"تورکیه ماجاریستانین ایستراتژی متفیقی‌دیر"

ماجاریستانین باش ناظیری ویکتور اوربان تورکیه-‌نین سوریه-ده حیاتا کئچیرجگی برپا ایشلرینده ممنونیتله ایشتیراک ائده‌جک‌لرینی سؤیله‌ییب.

ویکتور اوربان:"تورکیه ماجاریستانین ایستراتژی متفیقی‌دیر"

ماجاریستانین باش ناظیری ویکتور اوربان تورکیه-‌نین سوریه-ده حیاتا کئچیرجگی برپا ایشلرینده ممنونیتله ایشتیراک ائده‌جک‌لرینی سؤیله‌ییب.

پرزیدنت رجب طیب اردوغان و ویکتور اوربان بوداپست-ده کی یوکسک سویه‌لی ایستراتژی امکداش‌لیق شوراسی‌نین ییغینجاغیندان سونرا بیرگه مطبوعات کنفرانسی کئچیریب‌لر.

پرزیدنت اردوغانین تورکیه-سوریه سرحدینده قورولماسی پلان‌لاشدیریلان تهلوکه‌سیزلیک بؤلگه‌سیله علاقه دار لاییحه‌لر باره‌ده معلومات‌لاری بؤلوشدوگو و اؤلکه‌سی‌نین بونا دستک اولاجاغینی بیلدیرن اوربان دئییب: " ائولرینی ترک ائتمک مجبوریتینده قالان‌لار ائو-ائشیک‌لرینه قاییدا بیلمه‌لی‌دیر. بو اینسان‌لارین اؤلکه‌لرینه قاییتما‌لارینا کؤمک‌لیک گؤسترمک بؤیوک اهمیت داشیییر. جناب اردوغان قورولان تهلوکه‌سیزلیک بؤلگه‌سیله علاقه‌دار لاییحه‌لری منیمله ده بؤلوشدو. لاییحه‌ده شهرلرین، کندلرین سالینماسی، مکتب‌لرین، خسته‌خانا‌لارین، کیلسه‌لرین یئنی‌دن تیکینتی پلان‌لاری وار. ماجاریستان وارلی و بؤیوک بیر اؤلکه اولماماسینا باخمایا‌راق اوزریمیزه دوشنی یئرینه یئتیرجییک".

گؤروش‌لرده تهلوکه‌سیزلیک و کؤچ مسئله‌نین موذاکیره اولوندوغونو، تورکیه-‌نین غیری-قانونی کؤچ ایله جدی موباریزه آپاردیغینی و تورکیه-‌نین ساده‌جه بو ایلین اوکتبر آیینادک 350 مین قانون‌سوز قاچقی‌نین کئچمه‌سینه مانع اولدوغونا دقت چکن اوربان "تورکیه اولما‌دان آوروپایا ایستیقامت‌لی کؤچون قارشی‌سی آلینا بیلمز. تورکیه ماجاریستانین ایستراتژی متفیقی‌دیر" دئیه بیلدیریب.

ایکی اؤلکه آراسیندا مودافعه صنایع سینده امکداشلیغین داوام ائتدیگینی بیلدیرن اوربان "ایکی اؤلکه ده ناتو عضوودور. بونا گؤره حربی ساحه‌ده ده متفیق اؤلکه‌یک. تورکیه ناتو-داکی ایکینجی بؤیوک اوردویا صاحب‌دیر. بیزیم متفیقیمیز اولدوغو اوچون مودافعه سیاستی و مودافعه صنایع سینده امکداش‌لیق ائتمه‌یه سعی گؤستریریک" دئیه وورغولاییب.

تورکیه و ماجاریستانین افریقا-دا دا بیرگه لاییحه‌لر حیاتا کئچیردیگی‌نین قئید ائدن اوربان تورکیه و ماجاریستانین بو چرچیوه‌ده کنیایا حکیم گؤندردیگینی دئییب.



ایلگیلی‌لی خبرلر