آتاتورکون "سون یولچولوغو"نا دایر سرگی
جمهورباشقانلیغی دؤولت آرشیولری باشقانلیغی و آنیدقبیر قوموتانلیغی طرفیندن، ۱۰ نوامبردا آنیدقبیر موزه‌سینده دولماباغچادان آنیدقبیره سئرگی‌سی آچیلاجاق
تورکییه جمهوریتینین قوروجوسو، بؤیوک اؤندر مصطفی کمال آتاتورکون ابدیته کؤچونون ۸۱.جی ایلینده، "سون یولچولوغو"نا دایر آیرینتیلارین یئر آلدیغی تاریخی سندلر، ۱۰ نوامبردا آنیدقبیرده ایلک دفعه سرگیلنه‌جک.
جمهورباشقانلیغی دؤولت آرشیولری باشقانلیغی و آنیدقبیر قوموتانلیغی طرفیندن، ۱۰ نوامبردا آنیدقبیر موزه‌سینده دولماباغچادان آنیدقبیره سئرگی‌سی آچیلاجاق.
سرگی‌ده، مصطفی کمال آتاتورکون وفاتینین آردین‌دان ۱۹۳۸ ایله ۱۹۵۳ ایللری آراسین‌دا دولماباغچادان آنیدقبیره "سون یولچولوغو"نا باغلی آیرینتیلارین اولدوغو، دؤولت آرشیولری باشقانلیغیندا محافظه ائدیله‌ن و داها اؤنجه یاییملانمامیش ۱۲ سند ایلک دفعه تانیدیلاجاق.
سرگیلنه‌جک سندلر آراسین‌دا، آتاتورکون جنازه‌سینی ایستانبولدان ایزمیته آپاراجاق یاووز زره‌لی‌سین‌ده ۲۰۰ نفرین اولدوغونا دایر، آلبای روحی توللی‌اوغلونون ایستانبول بلدیه باشقانی کؤمک‌چی‌سی اکر‌م سئونجانا گؤندردیگی یازی دقت چکیر .
آیریجا، سرگیلنه‌جک بلگه‌لر آراسین‌دا، آتاتورکون جنازه‌سی اوچون حاضرلانان تابوت و باشقا لوازمه عاید فاکتورلار ایله اؤد‌مه قبضی، آتاتورکون باجی‌سی مقبوله خانیم طرفیندن خیرات اوچون احتیاج صاحبلرینه پایلانان ۲ مین ۵۵۵ لیرا‌یا عاید سندلر ایله دولماباغچا ساراییندا آتاتورکون خسته‌لیگی و وفاتی بویونجا بوتون چالیشانلارا خیدمتلرین‌دن اؤترو تورکییه بؤیوک میللت مجلیسی باشقانلیغینین امری ایله ۷ مین ۳۳۳ لیرا اؤدول پایلانماسینا عاید سندلر ده وار.
دیگر طرف‌دن آتاتورکون جنازه‌سینه چوخ ساییدا خاریجی قوناغین قاتیلدیغی دا سندلره یانسیدی.
بو چرچیوه‌ده آتاتورکون ایستانبولدا تشکیل ائدیله‌ن جنازه مراسیمینه قاتیلان خاریجی هیاتلره دایر خاریجه نظارتی پروتوکول مودوریتینه عاید لیستلر، آنکاراداکی مراسیمده ایشتیراک ائتمک اوچون گلن خاریجی قوناقلارین آنکارا پالاس‌دا قوناقلامالارینا باغلی سندلر سرگی‌ده اؤنملی بیر یئر توتور.
آیریجا جنازه مراسیمی اوچون سیفاریش ائدیله‌ن چلنگ و چیچکلره عاید سندلر ایله تورک خالقینین آتاتورکون وفاتی سببی ایله دویدوغو درین کدری گؤسترن گؤرسللرین اولدوغو دؤورون بیلینن مطبوعات اورگانلاری و قزتلرین خبرلری ده سرگیله‌نه‌جک.
