"تورک میللتی بودور، گؤرون!"
اردوغان: آچاریق سرحدلری گئتسینلر آوروپایا...
جمهورباشقانی رجب طیب اردوغان سوریه‌دن تورکییه‌یه یؤنلن ترور هؤرگوتلری پ‌کاکا، یپگ و داعش سالدیریلارینی اؤنله‌مک اوچون گوونلی بؤلگه قورما قونوسوندا هدفه بؤیوک اؤلچوده چاتیلدیغینی دئدی.
اردوغان، فنرباخچا یوکسک دیوان قورولو توپلانتیسین‌دا چیخیشین‌دا،
"سوچی آنلاشماسی چرچیوه‌سین‌ده ۱۵۰ ساعات سونون‌دا بؤلگه تروریستلردان تمیزله‌نمه‌سه اوندان سونرا بو ایشی بیز اله آلاجاییق و بوتون تمیزلیگی بیز ائده‌جییک". دئدی.
پرزیدنت اردوغان چیخیشین‌دا تروریستلرله ماسایا اوتورماغین اصلا سؤز قونوسو اولمایاجاغینی دا ایفاده ائد‌رک،
"بیزی اینجیدن بعضی شئیلر وار. بؤیوک دؤولتلرین باشقانلاری بونلارین تروریست باشلاری ایله اوتورور ماسادا دانیشیرلار و بیزه ده بونلاردان آراچی اولمالارینی ایسته‌ییرلر. بیز بو تروریستلرله أصلا ماسایا اوتورماریق و بونلارین آراچی اولماسینی قبول ائتمه‌ریک" ایفاده‌لرینی ایشلتدی.
اردوغان،
"اولوسلاراراسی توپلومدان گؤزلنتیمیز سرحدلریمیزین گوونلیلیگیله باغلی حساسیتلریمیزه سایغی گؤستریلمه‌سی، اؤلکه‌میزده‌کی سوریه‌لیلرین گئری دؤنوشو ایله باغلی پروژه‌لریمیزه دستک وئریلمه‌سی" دئدی.
پرزیدنت اردوغان چیخیشین‌دا،
"ترور هؤرگوتو ۳۰ کیلومترلیک خطین ایچین‌دن و یا دیشیندان سالدیریلارینی داوام ائتدیرسه هارا قدر قاچسالار اورایا قدر قووالایب لازیم اولانی ائده‌جییک. لازیم اولسا، تل ابیض ایله راس العین آراسیندا بیر گوونلی بؤلگه ایله بیرلیک‌ده سیغینماچیلارین یاشایابیله‌جگی ائولری، سوسیال ساحه‌لرینی، آلت یاپی و و اوست یاپی ایله یاپاجاییق، دونیایا دا بونو اثبات ائد‌رک گؤستره‌جییک، ‘تورک میللتی بودور، گؤرون’ دئیه‌جییک" دئدی.
اردوغان چیخیشین‌دا آوروپایا دا سسله‌نرک، تورکییه‌ده‌کی۳ میلیون ۶۵۰ مین سوریه‌لینین ایلک آشامادا ۱ ایله ۲ میلیون آراسین‌داکی قیسمینین گئری دؤنوشو اوچون گلیشدیریله‌ن پروژه‌لره دستک وئریلمه‌سه سینیرلاری آچماقدان باشقا چاره قالمایاجاغینی وورغولایاراق،
"آچاریق سرحدلری گئتسینلر آوروپایا" ایفاده‌لرینی ایشلتدی.
