اردوغان روسیایا گئتدی

"وئریله‌ن سؤزلر یئرینه گئتیریلمزسه، عملیات داها دا عزمله قالدیغی یئردن داوام ائد‌جک"

1292328
اردوغان روسیایا گئتدی

پرزیدنت رجب طیب اردوغان، سوریه‌ده فیرات چایینین دوغوسوندا باشلادیلان باریش بولاغی عملیاتینا وئریله‌ن آرانین مدتینین بو آخشام دولاجاغینی خاطیرلاداراق، "وئریله‌ن سؤزلر یئرینه گئتیریلمزسه، عملیات داها دا عزمله قالدیغی یئردن داوام ائد‌جک" دئدی.

 اردوغان، روسیا دؤولت باشقانی ولادیمیر پوتینین دعوتی ایله بو اؤلکه‌یه حرکتین‌دن اؤنجه، هاوا لیمانین‌دا آچیقلامالار وئردی. بیر گونلوک ایش سفری چرچیوه‌سینده، پوتین ایله سوچی‌ده گؤروشه‌جکلرینی ایفاده ائد‌ن اردوغان، تورکییه-روسیا ایکی‌لی ایلیشکی‌لرینین یانین‌دا، سوریه باش‌دا اولماق اوزره بؤلگه‌سل و اولوسلارآراسی قونولار حاقین‌دا فیکیر آلیش وئریشی ائده‌جکلرینی سؤیله‌دی.

تورکییه-سوریه سرحدی بویونجا بیر ترور دهلیزینه ایجازه وئریلمه‌یه‌جگینی وورغولایان پرزیدنت، روسیادان، بو سرحدده پلانلانان گوونلیک کوریدورو اوچون دستک گؤزلدیگینی قئید ائد‌رک آمریکا ایله (جمعه آخشامی گونو) واردیغیمیز آنلاشمایا گؤره بؤلگه‌ده‌کی بوتون تئروریستلرین چیخاریلماسی اوچون بو گون سون گون. آمریکانین اؤلکه‌میزه وئردیگی سؤزلر توتولمازسا عملیاتیمیزی قالدیغی یئردن بو دفعه چوخ بؤیوک بیر عزمله داوام ائتدیرجییک" دئیه دانیشدی.

اردوغان، فرانسا پرزیدنتی امانوئل مکرونون باریش پیناری عملیاتینا وئریله‌ن آرانین مدتینین اوزادیلماسی یولوندا بیر تکلیفی اولدوغونون خاطیرلادیلماسی اوزرینه، "منه بئله بیر تکلیف گلمه‌دی، مکرون بو جور شئیلری (پکاکا/پید عضوو) تروریستلرله دانیشیر. اونسوز دا بیزیم بو قونوودا مخاطبیمیز فرانسا دئییل" ایفاده‌لرینی ایشلتدی.



ایلگیلی‌لی خبرلر