اردوغان: 9 گون عرضینده 765 ترورچونو اؤلدوردوک

ایستانبول ریزه درنک‌لر فدراسیونونجا کئچیریلن تدبیرده دانیشان اردوغان، باریش پیناری عملیاتینا قارشی بیلانچوسونو آچیقلادی

اردوغان: 9 گون عرضینده 765 ترورچونو اؤلدوردوک

تورکیه جمهور باشقانی رجب طیب اردوغان سوریه‌نین قوزئیینده حیاتا کئچیریلن باریش پیناری عملیاتی ایله 9 گونده 1500 کیلومتر مربع‌لیک ساحه ترور اؤرگوتونون ظلموندن آزاد ائتدیک‌لرینی دئییب.

ایستانبول ریزه درنک‌لر فدراسیونونجا کئچیریلن تدبیرده دانیشان اردوغان، باریش پیناری عملیاتینا قارشی بیلانچوسونو آچیقلادی.

اردوغان، بون‌لاری سؤیله‌دی:

ساده‌جه 9 گون عرضینده بیر قیسمی یوکسک سویه‌لی 765 ترورچونو اؤلدوره‌رک مین 500 کیلومتر مربع‌لیک ساحه تشکیلاتین ظلمون‌دن خیلاص ائتدیک. راس العین و تل ابیضین ده ایچینده اولدوغو جمعی 111 یاشاییش منطقه‌سینی نظارت آلتینا آلدیق. بؤلگه‌ده یاشایان قارداش‌لاریمیزین هر هانسی بیر چتین‌لیک یاشاماماسی اوچون باشدا قیدا، ساغلیق و امنیت اولماق اوچون لازیم اولان بوتون تدبیرلری گؤروروک. قیزیل آی‌میز، فلاکت و عاجیل وضعیت رهبرلیگی باشقانلیغیمیز، ساغلیق ناظیرلیگیمیز و غیری-حکومت تشکیلات‌لاریمیز یاردیم ایشینه باشلاییب".

تورکیه و آمریکا آراسیندا 17 اوکتوبردا کئچیریلن و ترور تشکیلاتی پ.ک.ک/ی.پ.گ-نین 120 ساعات عرضینده اعتبارلی بؤلگه‌دن چیخاریلماسینا یؤنه‌لیک راضیلیغا دا توخونان اردوغان،

بونا رعایت ائدیلدیگی تقدیرده نه علا، رعایت ائدیلمدیگی تقدیرده 120 ساعات بیتدیگی آندا بیز یئنه ده باریش پیناری عملیاتینی بوراخیلان یئردن عینیله داوام ائتدیریریک". دئدی.

آنلاشما‌نین آمریکا ایله گؤرولدوگونون وورغولایان اردوغان،

دیقت ائدین، ترور تشکیلاتییلا باشا دوشمدیک، آمریکا ایله راضیلاشدیق. بورادا بیرلری آزدیرما ائدیر، ائله بیر شئی یوخ‌دور". ایفاده‌لرینی ایستیفاده ائتدی.

پرزیدنت اردوغان، تورکیه‌نین باریش پیناری عملیاتی سوریه سرحدینده قورولماغا چالیشیلان ترور دهلیزینه اؤلدوروجو ضربه ائندیردیگینه دقتی چکه‌رک، بون‌لاری قئید ائتدی:

بونون یانیندا عملیات، منطقه‌میزه یؤنه‌لن ایمپریالیست سناریو‌لاری دا دارماداغین ائتمیش‌دیر. بئله‌لیکله، اؤلکه‌میز، هم اؤز امنیتینی هم ده سوریه‌نین اراضی بوتؤو‌لوگونه ضمانت آلتینا آلا‌جاق حیاتی اهمیتده بیر آددیم آتمیش‌دیر."



ایلگیلی‌لی خبرلر