اردوغان ایقلیم ذیروه‌سینده دانیشدی

"اورمان وارلیغینی آرتیران نادیر اؤلکه‌لردن بیریییک"

1274958
اردوغان ایقلیم ذیروه‌سینده دانیشدی

جمهورباشقانی رجب طیب اردوغان، تورکییه‌نین یئنیله‌نه‌بیلیر انرژی ساحه‌سین‌ده بؤلگه‌سین‌ده لیدئر قونوموندا اولدوغونو دئدی.

جمهورباشقانی، آمریکا بیرلشمیش دؤولتلرینین نیویورک شهرینده گئچیریله‌ن بیرلشمیش میللتلر (بمت) ۷۴.جو باش قورولو چرچیوه‌سین‌ده، ایقلیم ائیلمی ذیروه‌سین‌ده آچیقلامالار وئردی.

اردوغان، "اورمان وارلیغینی آرتیران نادیر اؤلکه‌لردن بیریییک. سون ۱۷ ایلده ۴ میلیارددان چوخ آغاج اکدیک. ۱۱ نوامبردا ۱۱ میلیون آغاج داها اکیریک" دئیه دانیشدی.

تورکییه‌نین یئنیله‌نه‌بیلیر انرژی‌ده بؤلگه‌ده لیدئر اؤلکه اولدوغونو وورغولایان اردوغان الکتریکین یوزده ۳۰دان چوخونون یئنیله‌نه‌بیلیر انرژی‌دن قارشیلاندیغینی وورغولادی.

اردوغان، تورکییه‌ده پلاستیک توربا قوللانیم نیسبتینین ۴ده ۳ اورانیندا دوشدویونو ده سؤزلرینه علاوه ائتدی.

"اولکه‌میز‌ده آتیق یؤنتیمی، ایقلیم دوستو تکنولوژی و انرژی قایناقلارینین ایستیفاده‌سی مسئله‌سین‌ده اؤنملی ایرلیله‌ییشلر قید ائتدیک" دئیه‌ن پرزیدنت،

"قالخینما هدفلریمیزدن واز گئچمه‌دن، ایقلیم دییشیکلیینه اویوم و فلاکتلره قارشی دایانیقلیلیغا قارشی سیاستلری حیاتا گئچیریریک" آچیقلاماسینی وئردی.



ایلگیلی‌لی خبرلر