اردوغان‌دان آچیقلامالار

پرزیدنت رجب طیب اردوغان، ترورلا مباریزه‌نی ییلمادان داوام ائتدیره‌جکلرینی سؤیله‌دی.

 اردوغان، ایستانبول‌دا جمعه نامازی چیخیشی مطبوعات منسوبلارینا آچیقلامالار وئردی.

بؤلوجو ترور هؤرگوتو پ‌کاکانین دیارباکیردا دونن وطنداشلارا قارشی بومبالی سالدیریسینا توخونان اردوغان، الله شهیدلریمیزه رحمت یارالیلاریمیزا شفالار وئرسین. شهید عائله‌لری ایله گؤروشدوم. ‘بیز ایللردیر عشیرت اولاراق چوخ شهید وئردیک، بونلار بیزی ییلدیرامماز’ دئییرلر. بو مباریزه‌میزی ییلمادان داوام ائتدیرجییک. اینانیرام کی، بیز تورکییه جمهوریتی اولاراق بو ایشده‌ن غالیب گله‌جییک" شکلین‌ده دانیشدی.

اردوغان، "سالدیریلا ایلگیلی خالقلارین دموکراتیک پارتیسین‌دن گؤزآلتیلار وار، باشقا گؤزآلتیلار دا اولاجاق دئیه دوشونوره‌م" دئدی. دیارباکیردا اؤولادلاری پ‌کاکا طرفین‌دن داغا آپاریلان آنالارا دستک مئساژی دا وئره‌ن اردوغان، دؤولت اولاراق بو آنالارین یانین‌دا اولدوقلارینی سؤیله‌دی.

سوریه‌ده‌کی گلیشمه‌لره ده توخونان اردوغان، "سوریه ذیروه‌سی بیر سۆره‌چ. سوچی‌ده باشلادی، آنکارا و تهراندا داوام ائتدی. سوچی و بوندان سونرا آنکارادا داوام ائدجییک. بو ذیروه ایله ادلب‌دکی گلیشمه‌لری اله آلاجاییق. گؤزلم نقطه‌لری داخیل اولماقلا بوراداکی گلیشمه‌لر، ترور هؤرگوتلری ایله وئریله‌ن مباریزه بو پروسه‌نی داوام ائتدیرجییک" ایفاده‌لرینی ایشلتدی. سوریه‌نین قوزئیینده گوونلی بؤلگه ایشلرینی ده دگرلندیرن اردوغان، "کوالیسیون گوج‌لرینین چالیشمالاری وار، اونلارلا دا گؤروشوروک. (آمریکا بیرلشمیش دؤولتلری پرزیدنتی) سایین دونالد ترامپین داها اؤنجه ۲۰ میل اولاراق ایفاده ائتدیگی بؤلگه‌ده‌کی ایشلریمیز بیزیم تورک سلاح‌لی گوجلری منسوپلاریمیز و آمریکانین نماینده‌لری دانیشیقلار ائتدیلر. واریلان بعضی نقطه‌لر وار. هلیکوپترلریمیز بیرلیک‌ده لجستیک اولاراق هاوا عملیاتی ایجرا ائدیرلر. بؤلوجو ترور هؤرگوتو پید/ یپگ/ پ‌کاکایا قارشی آمریکانین توتومونا اؤنم وئریریک. ایستدییمیز توتوم وار می؟ بو آنا قدر ایستدییمیز توتوم یوخ‌" دئدی.