استولتنبرگ: تورکییه چوخ اؤنملی بیر متفیق
"تورکییهنین قاتقیلاری و یاراتدیغی آلت یاپی اولمادان، داعشه قارشی سؤزوگئدن اوغورلاری الده ائتمک چوخ چتین اولاردی"
ناتو باش کاتیبی ینس استولتنبرگ، تورکییهنین ترورلا مباریزهده چوخ اؤنملی بیر متفیق اولدوغونو دئدی.
استولتنبرگ، ناتو قرارگاهیندا، آمریکا بیرلشمیش دؤولتلرینده ۱۸ ایل اؤنجه ائدیلهن ۱۱ سپتیامبر ترور سالدیریلارینی آنما مراسیمیندن سونرا مطبوعاتین سواللارینی جاوابلاندیردی.
تورکییهنین ترورلا موباریزهیه نه جور قاتقی وئردیگینین سوروشولماسی اوزرینده استولتنبرگ،
"تورکییه، ترورلا مباریزه چرچیوهسینده گئچمیشده ده، ایندی ده چوخ اؤنمی بیر متفیق اولموشدور" دئیه دانیشدی.
استولتنبرگ، تورکییهنین خصوصاً افغانیستاندا تروریزمله مباریزهده قاباقجیل اؤلکهلردن بیری اولدوغونو قید ائدرک بو گون خاریجی ایشلر باخانی مؤولود چاووشاوغلو ایله بیر تلفن دانیشیغی حیاتا گئچیردیگینی، افغانیستانا اولان عزمی تصدیق ائتدیکلرینی ایفاده ائتدی.
تورکییهنین عراق و سوریهده ترور هؤرگوتو داعشله مباریزه قونوسوندا دا اساس رول اوینادیغینی بیلدیرن استولتنبرگ،
"تورکییهنین قاتقیلاری و یاراتدیغی آلت یاپی اولمادان، داعشه قارشی سؤزوگئدن اوغورلاری الده ائتمک چوخ چتین اولاردی" ایفادهسینی ایشلتدی.
ناتونون سوریهده میداندا اولمادیغینی خاطیرلادان استولتنبرگ، دیگر طرفدن آمریکا و تورکییه کیمی ایکی ناتو متفیقینین بیرلیکده حرکت ائتمه یوللاری آختارمالاریندان سئوینج دویدوغونو بیلدیردی.