تورکیه‌-نین مودافعه صنایعسی‌‌نین محصول‌لاری لندن-ده نوماییش اولوناجاق

اولوسلار آراسی مودافعه و تهلوکه‌سیزلیک سرگیسی 10-13 سپتامبردا مودافعه-تهلوکه‌سیزلیک صنایع‌سی‌نین و اؤلکه‌لرین یوکسک سویه‌لی رسمی نماینده‌لری‌نین ایشتیراکی ایله کئچیریله‌جک.

1266455
تورکیه‌-نین مودافعه صنایعسی‌‌نین محصول‌لاری لندن-ده نوماییش اولوناجاق

جمهور باشقانلیغی مودافعه صنایعسی ایداره‌سی‌نین باشچیلیغیندا تورکیه-‌نین 42 فیرماسی اینگیلتره‌نین پایتاختی لندن-ده  کئچیریلن دونیانین اعتبارلی مودافعه صنایعسی سرگی‌لرین‌دن اولان اولوسلار آراسی مودافعه و تهلوکه‌سیزلیک سرگی‌سینه (DSEI) قاتیلا‌جاق.

اولوسلار آراسی مودافعه و تهلوکه‌سیزلیک سرگیسی 10-13 سپتامبردا مودافعه-تهلوکه‌سیزلیک صنایع‌سی‌نین و اؤلکه‌لرین یوکسک سویه‌لی رسمی نماینده‌لری‌نین ایشتیراکی ایله کئچیریله‌جک.

ایکی ایلدن بیر کئچیریلن سرگییه بو ایل 50-دن چوخ اؤلکه‌دن مین 500-دن آرتیق اولوسلار آراسی فیرما ایله 35 مین‌دن آرتیق قوناغین قاتیلاجاغی گؤزلنیلیر.

مودافعه صنایعسی ایداره‌سی‌نین صدری ایسماییل دمیر باشچیلیغین‌داکی تورکیه هئیتی ده خاریجی اؤلکه هئیت‌لریله رسمی گؤروش‌لر کئچیریله‌جک.

اولوسلار آراسی مودافعه و تهلوکه‌سیزلیک سرگیسی 2019-جو ایلده اورتا دوغو، افریقا، آسیا و گونئی امریکا اؤلکه‌لری باشدا اولماقلا دونیانین دؤرد بیر طرفیندن گلن فیرما‌لار طرفیندن اوره تیلن مودافعه صنایعسی محصول لاری‌نین و خیدمت‌لری‌نین تقدیم اولونماسی، بازارلانماسی و ساتیشی اولا‌جاق.

سرگی زامانی تورکیه-‌نین مودافعه صنایعسی شیرکت‌لری طرفیندن اوره تیلن زره لی واسیطه‌لر پلاتفورما‌لاری، پیلوت‌لو-پیلوت‌سوز موختلیف قورو و هاوا نقلیات واسیطه‌لری، دنیز سیستم‌لری، سلاح سیستم‌لری، الکترون سیستم‌لر، مهمات لار، سیمولیاتورلار، حربی تکستیل محصول‌لاری، مادی-لجستیک دستک محصول‌لاری تقدیم ائدیله‌جک.



ایلگیلی‌لی خبرلر