تورکیه، ممنونیتله قارشیلادی
حمید آکسوی، ایکی اؤلکه آراسیندا دونن رئال‌لاشان اسیر دییشیک‌لیگی حاقین‌داکی سوالا وئردیگی یازی‌لی جواب‌دا، طرف‌لری، مثبت یاناشمالاریندان دولایی تبریک ائتدی
تورکیه، اوکراین ایله روسیا آراسین‌داکی اسیر و محبوس موبادیله‌سینی ممنونیتله قارشیلادی.
تورکیه خاریجی ایشلر ناظیرلیگی‌نین سؤزچوسو حمید آکسوی، ایکی اؤلکه آراسیندا دونن رئال‌لاشان اسیر دییشیک‌لیگی حاقین‌داکی سوالا وئردیگی یازی‌لی جواب‌دا، طرف‌لری، مثبت یاناشمالاریندان دولایی تبریک ائتدی.
اسیر موبادیله‌سینی ممنونیتله قارشیلادیق‌لارینی بیل‌دیرن آکسوی،
"تورکیه، اوکراین‌ین اراضی بوتؤو‌لوگو و حاکمیتی‌نین قورونماسی اساسیندا، بؤلگه‌ده باریش و ثابیتلیگین تأمیناتینا یؤنلمیش بوتون تلاش‌لارا دستک وئرمگی داوام ائتدیره‌جک‌دیر". ایفاده‌لرینی ایستیفاده ائتدی.
آوروپا بیرلیگی و ناتو دا، اوکراین ایله روسیا آراسین‌داکی اسیر و محبوس موبادیله‌سینی ممنونیتله قارشیلادیق‌لارینی بیلدیریب.
آوروپا بیرلیگی-نین خاریجی علاقه‌لر و امنیت سیاستی عالی نماینده‌سی فدریکا موگرینی، یازی‌لی بیانات وئره‌رک،
"آوروپا بیرلیگی، بوتون طرف‌لره بو اینکیشافلا یاخا‌لانان تکانی داوام ائتدیرمه‌لری دعوت ائدیر". دئدی.
آوروپا بیرلیگی شوراسی‌نین باشقانی دونالد توسک ایسه توئیترپایلاشدیغی مساژدا، "روسیایا بوتون سیاسی محکوم‌لاری آزاد ائتمه و اوکراین‌ین اراضی بوتؤو‌لوگونه حؤرمت بسلمه‌سی ایستیقامتینده چاغیریشیمی تکرار ائدیرم". قیمتلندیرمه‌سینده اولوب.
ناتو سؤزچوسو اوآنا لونگسکو ایسه "بو دوزگون ایستیقامتده بیر آددیم. ناتو، روسیایا مینسک سازیشی بوتون مسئولیت‌لرینی یئرینه یئتیرمک و بوتون سیاسی محکوم‌لاری آزاد ائتمه چاغیریشینی داوام ائتدیریر". آچیقلاماسینی ائتدی.
روسیا و اوکراین آراسیندا دونن "35ه 35 فورمولو" ایله جمعی 70 اسیر و محبوسون دییشیک‌لیگی ائدیلمیشدی.
