اردوغان: کیمسه‌نین بیر قاریش تورپاغیندا گؤزوموز یوخ

"تورک میللتی، دوستلاری و قارداشلاری اود ایچینده ایکن بونا آراخاسینی چئویره‌جک، منه توخونمایان ایلان مین یاشاسین دئیه‌جک بیر میللت دئییل"

1261364
اردوغان: کیمسه‌نین بیر قاریش تورپاغیندا گؤزوموز یوخ

جمهورباشقانی رجب طیب اردوغان، تورکییه‌نین یئریتدیگی سرحد اؤته‌سی عملیاتلارین تک مقصدینین تورکییه جمهوریتینین حاقلارینی ساوونماق اولدوغونو دئدی.

پرزیدنت اردوغان، ۳۰ آگوست ظفر بایرامی و تورک سلاح‌لی گوجلری گونو موناسیبتیله "باش قوموتان" صیفتیله جمهورباشقانلیغی ساراییندا ضیافت وئردی.

اردوغان، بورادا ائتدیگی چیخیشین‌دا، عراقین قوزئیینده بؤلوجو ترور هؤرگوتو پ‌کاکایا قارشی عملیاتلارین آماجینین گوونلیک اولدوغونو سؤیله‌دی و "کیمسه‌نین بیر قاریش تورپاغین‌دا گؤزوموز یوخدور" دئدی.

اردوغان،

"آما تورپاقلاریمیزا دیکیله‌ن گؤزلره، اگمنلیک حاقلاریمیزا اوزانان اللره استیقلالیمیزا و گله‌جگیمیزه یؤنه‌له‌ن تهدیدلره ده تحملوموز اولماز. بو گون عراق‌دا، سوریه‌ده، دوغو آغ دنیزده و جغرافیامیزین دؤرد بیر طرفین‌ده وئردیگیمیز مباریزه‌نین تک غایه‌سی اؤنجه تورکییه جمهوریتینین حاقلارینی مدافعه ائتمک، بونون یانین‌دا دوست و قارداش خالقلارین گوونلیکلرینی ده تامین ائتمکدیر" شکلینده دانیشدی.

تورکییه‌نین سرحدین‌ده باش وئره‌ن قتل‌عاملارا دویارسیز قالمایاجاغینی وورغولایان اردوغان،

"تورک میللتی، دوستلاری و قارداشلاری اود ایچینده ایکن بونا آراخاسینی چئویره‌جک، منه توخونمایان ایلان مین یاشاسین دئیه‌جک بیر میللت دئییل" ایفاده‌لرینی ایشلتدی.



ایلگیلی‌لی خبرلر