ظفر بایرامی جوشقویلا قوتلانیر

"غازی مصطفی کمال آتاتورکون شخصاً باشچیلیق ائتدیگی باش قوموتانلیق میدان محاربه‌سین‌ده، میللتیمیز و اوردوموز، ایمکانسیزی باشاردی"

1260993
ظفر بایرامی جوشقویلا قوتلانیر

۳۰ آگوست ظفر بایرامی جوشقو ایله قوتلانیر.

بؤیوک سالدیرینین ۹۷.جی ایلدؤنومون‌ده باش‌دا غازی مصطفی کمال آتاتورک اولماقلا ایستیقلال مباریزه‌سینین بوتون قهر‌مانلاری آنیلیر.

تورکییه بؤیوک میللت مجلسینین باشقانی مصطفی شنتوپ، پایلاشدیغی مئساژین‌دا، اوردونون گوجونه وورغو ائتدی، "غازی مصطفی کمال آتاتورکون شخصاً باشچیلیق ائتدیگی باش قوموتانلیق میدان محاربه‌سین‌ده، میللتیمیز و اوردوموز، ایمکانسیزی باشاراراق، باشقا میللتلره اؤرنک اولاجاق بیر ظفره ایمضا آتمیش‌دیر" ایفاده‌لرینی ایشلتدی.

شنتوپ، تورک میللتینین ۱۰۷۱دن بو یانا قوتلو، مقدس و معزز ساوین بایراق داشییانی اولدوغونو و آرخاسین‌دا قهر‌مان‌لیقلارلا دولو شانلی بیر تاریخ قویدوغونو بیلدیردی.

عدالت باخانی عبدالحمید گول ده مئساژین‌دا، "میللتیمیز ایستیقلال و گله‌جگیمیزی تهلوکه‌یه سالاجاق هئچ بیر خیانته، هئچ بیر گیریشیمه یول و گئچید وئرمه‌یه‌جگینی ۱۵ جولای ۲۰۱۶دا (چئوریلیش گیریشیمی) ده گؤسترمیشدیر" دئدی.

عدالت باخانی، "بو گون بیزلره دوشن، مین ایلده‌ن بو یانا داوام ائتدیردیگیمیز بیرلیک، برابرلیک و قارداش‌لیق روحو ایچین‌ده جمهوریتیمیزی داها دا اوجالتماق، داها دا گوجله‌ندیرمک اولمالی‌دیر" ایفاده‌لرینه ده یئر وئردی.

میللی ساوونما باخانی خولوصی آخار دا پایلاشدیغی مئساژین‌دا، ترور هؤرگوتلری ایله مباریزه‌یه دقت چکدی، "قهر‌مان تورک اوردوسو، ان چتین زامانلاردا نئجه کی، وطنینی و میللتینی قوروماق عزمیله حرکت ائدی ایسه بو گون ده عینی عزم و قطعیتله فعالیتلرینی داوام ائتدیریر" دئدی.



ایلگیلی‌لی خبرلر