اردوغان‌دان بایرام مئساژی

"سون دؤولتیمیز تورکییه جمهوریتینین ده موژده‌سی اولان بؤیوک ظفر، تاریخدن سیلینمک ایسته‌نیله‌ن تورک میللتینین یئنی‌دن شاهلانیشینین آدیدیر"

1261009
اردوغان‌دان بایرام مئساژی

جمهورباشقانی رجب طیب اردوغان، تورک میللتینین دونن اولدوغو کیمی بو گون ده ایستیقلال و ایستیقبالی اوچون جانین‌دان عزیز بیلدیگی وطنی اوغروندا عینی فداکارلیق و جسارت گؤسترمه‌یه حاضر اولدوغونو بیلدیردی.

پرزیدنت اردوغان، ۳۰ آگوست ظفر بایرامی دولاییسییلا یاییملادیغی مئساژدا، تورک میللتینین شانلی تاریخینین قیزیل حالقالارین‌دان بیری اولان ۳۰ آگوست ظفر بایرامینین ۹۷.جی ایل دؤنومونون قوتلادیغینا ایشاره ائد‌رک، بؤیوک ظفرین ۹۷.جی ایلینده میللته بو ظفری آرماغان ائد‌ن ایستیقلال حربینین باش قوموتانی غازی مصطفی کمال آتاتورکو، بؤیوک میللت مجلسینین سایغی‌دگر عضولرینی و قهر‌مان تۆرک اوردوسونون بوتون عسگرلرینی رحمتله  و مینتدارلیقلا یاد ائتدی.

اردوغان، تورکییه‌ده، قوزئی قیبریس تورک جمهوریتینده و دونیانین دؤرد بیر طرفین‌ده یاشایان تورک وطنداشلارینین هر بیرینین ۳۰ آگوست ظفر بایرامینی تبریک ائتدی.

اردوغان،

"۳۰ آگوست‌دا قازانیلان حماسی ظفرله میللتیمیز، اؤزونه روا گؤروله‌ن اسارت کؤینگینی ییرتیب آتمیش، نه‌یین باهاسینا اولورسا اولسون، موستقیللیین‌دن واز گئچمه‌یه‌جگینی بوتون دونیایا اعلان ائتمیشدیر. سون دؤولتیمیز تورکییه جمهوریتینین ده موژده‌سی اولان بؤیوک ظفر، تاریخدن سیلینمک ایسته‌نیله‌ن تورک میللتینین یئنی‌دن شاهلانیشینین آدیدیر" دئدی.

بو گون ده سوریه‌نین قوزئیینده، عراق‌دا و دوغو آغ دنیزده تورکییه‌یه قارشی قورولان بوتون توزاقلاری پوزماغا قرارلی اولدوقلارینی بیلدیره‌ن اردوغان، تورک میللتینین و قیبریس تورکلرینین حاقلارینین غصب ائدیلمه‌سینه کسینلیکله یول وئرمه‌یه‌جکلرینی ایفاده ائتدی.



ایلگیلی‌لی خبرلر