آخاردان ظفر بایرامی مئساژی
"قهر‌مان تورک اوردوسو، غازی مصطفی کمال آتاتورکون اؤندرلیگینده قوجاتپه‌دن آفیون اوواسینا کۆکره‌میش بیر سئل کیمی آخدی"
میللی ساوونما باخانی خولوصی آخار،۳۰ آگوست ظفر بایرامی و تورک سلاح‌لی گوجلری گونو دولاییسییلا مئساژ یایینلادی.
مئساژین‌دا ترورلا موباریزه وورغوسو ائد‌ن آخار،
"مباریزه‌میز ان سون تروریست ائتکیسز حالا گتیریلینجه‌یه قدر داوام ائد‌جک‌دیر" دئدی.
آخار، مئساژینا "۳۰ آگوست ظفرینین ۹۷.جی ایل‌دؤنومو ایله تورک سلاح‌لی گوجلری گونونو تبریک ائتمه‌نین موتلولوغو و هیجانینی یاشاییریق" سؤزلری ایله باشلایاراق، ۹۷ ایل اؤنجه غازی مصطفی کمال آتاتورک یول‌باشلیغی ایله تورک اوردوسونون اوغورونا دقت چکدی.
خولوصی آخار، قهر‌مان تورک اوردوسونون، عزیز میللته اسارت زینجیری وورماق ایسته‌یه‌نلره قارشی، ۲۶ آگوست سحری غازی مصطفی کمال آتاتورکون اؤندرلیگینده قوجاتپه‌دن آفیون اوواسینا کۆکره‌میش بیر سئل کیمی آخاراق، دوشمن قوشونلارینی دارماداغین ائدیب ۳۰ آگوست‌دا ظفره چاتدیغینی خاطیرلاتدی.
باخان آخار، مئساژین‌دا،تورک سلاح‌لی گوجلرینین ائتکین، چکیندیریجی و سایغین بیر اوردو اولاراق دونیادا گوونلیک، باریش و ثابت‌لیگیه قاتقی وئرمه‌یی داوام ائتدیرجگینی ده وورغولادی،
"باشدا فئتؤ، پ‌کاکا و داعش کیمی ترور هؤرگوتلری اولماقلا، هر جور تهدیده قارشی یورد ایچین‌ده و یورد دیشیندا مباریزه‌میز آرالیق‌سیز داوام ائد‌جک" ایفاده‌لرینی ایشلتدی.
