اردوغان: تورکییه، قیریمین یاسادیشی الحاقینی تانیمایاجاق
"سویداشلاریمیزین تاریخی وطنلری قیریمداکی وارلیقلارینین داوامی، کیملیکلرینین و مدنیتلرینین قورونماسی، اساس حاق و اؤزگورلوکلرینین ضمانت آلتینا آلینماسی اؤنجه‌لیگیمیز اولماغا داوام ائده‌جک"
پرزیدنت رجب طیب اردوغان، تورکییه‌نین، قیریمین یاسادیشی الحاقینی تانیمادیغینی و تانیمایاجاغینی بیلدیردی.
اردوغان، جمهورباشقانلیغی ساراییندا، رسمی دانیشیقلار اوچون باشکند آنکارادا اولان اوکراینا پرزیدنتی ولادیمیر زلنسکی ایله اورتاق مطبوعات کنفرانسی تشکیل ائتدی.
پرزیدنت اردوغان، بورادا ائتدیگی دانیشمادا، تورکییه، قیریمین یاسادیشی الحاقینی تانیمامیش‌دیر و تانیمایاجاق‌دیر" دئدی.
اردوغان، "سویداشلاریمیزین تاریخی وطنلری قیریمداکی وارلیقلارینین داوامی، کیملیکلرینین و مدنیتلرینین قورونماسی، اساس حاق و اؤزگورلوکلرینین ضمانت آلتینا آلینماسی اؤنجه‌لیگیمیز اولماغا داوام ائده‌جک" ایفاده‌سینی ایشلتدی.
قوناق جمهورباشقانی زلنسکی ده، اردوغانا تورکییه‌نین قیریم مسئله‌سین‌ده‌کی سیاستین‌دن اؤترو تشکر ائتدی.
زلنسکی، چیخیشیندا، "اوکراینانین تورپاق بوتؤولویو قونوسون‌داکی دییشمه‌یه‌ن توتومونوزدان اؤترو (تورکییه‌یه) تشکر ائدیره‌م" دئدی. تورکییه‌نی، یاخشی قونشو، صمیمی دوست و اؤنملی استراتژیک اورتاق اولاراق دگرلندیزن زلنسکی، تورکییه ایله ایلیشکیلره بؤیوک اؤنم وئردیکلرینی دیله گتیردی.
اوکراینا جمهورباشقانی آیریجا،
"تورک ایش دونیاسینی اوکراینایا دعوت ائدیره‌م. راحات ایشله‌بیلمه‌نیز اوچون سیزه شخصیم آدینا ضمانت وئره‌بیلره‌م" دئیه دانیشدی.
ایلگیلی‌لی خبرلر
آلتون: ایسرائیلین یوزلرجه یالانینی ایفشا ائتدیک
فخرالدین آلتون، "ت‌رت وورلد فوروم ۲۰۲۳"ون آچیلیشیندا ائتدیگی دانیشمادا، دیس اینفورمیشینا توخوندو
