امریکا 15 ژوئیه‌یه دایر بیاناتی بیر گون سونرا یایدی

امریکا فتح الله چی ترور تشکیلاتی‌نین (فتو) 15 ژوئیه 2016-جی ایلدکی دؤولت چئوریلیشی جهدی‌نین اوچونجو ایلدؤنومونه دایر بیاناتی بیر گون سونرا یایدی.

امریکا خاریجی ایشلر ناظیرلیگی آنادولو خبر آژانسی‌نین موخبیری‌نین سوالیندان سونرا تورکیه‌دکی چئوریلیش جهدی‌نین اوچونجو ایلدؤنومونه دایر گئجیکمه‌لی بیر یازی‌لی بیانات یایدی.

بیاناتدا دئییلیر: " امریکا 2016-جی ایلده تورکیه‌ده حیاتا کئچیریلن دؤولت چئوریلیشی جهدینده یارا‌لانانین و حیاتینی ایتیرنلرین دوستلایرنا و سئودیک‌لرینه ان درین حزن ایله باش ساغلیغی وئریر".

15 ژوئیه دؤولت چئوریلیشی جهدی‌نین دموکراسی یه ائدیلمیش بیر هوجوم کیمی دیرلندیریلدیگی بیاناتدا: "بو اوغورسوز چئوریلیش جهدی دموکراسی نین قورونماسینی و اساس آزادلیق‌لارا حؤرمت گؤستریلمه‌سینی تامین ائتمک اوچون گؤستریلن عزم و تأمیناتا دایر قطعی بیر خاطیرلاتما ایدی. امریکا دؤولتی تورک خالقینا و دموکراتیک تشکیلات‌لارینا اولان قرارلی دستکینی تصدیق ائدیر" دئیه بیلدیریلیر.