چاووش اوغلودان آوروپا بیرلیگینه اعتراض

تورکیه خاریجی ایشلر ناظری چاووش اوغلو، تورکیه‌نین دوغو آغدنیزده اوچ قازما گمیسی اولدوغونو، دؤردونجو گمی ده گؤندره‌جک‌لرینی بیلدیریب

1236716
چاووش اوغلودان آوروپا بیرلیگینه اعتراض

تورکیه خاریجی ایشلر ناظری چاووش اوغلو، تورکیه‌نین دوغو آغدنیزده اوچ قازما گمیسی اولدوغونو، دؤردونجو گمی ده گؤندره‌جک‌لرینی بیلدیریب.

مولود چاووش اوغلو، قوزئی مقدونیه سفری‌نین ایکینجی گونونده همکاری نیکولا دیمیتروو ایله بیر آرایا گلدی.

باشکند اوسکوپ-ده ژورنالیست‌لرین سوال‌لارینی جوابلان‌دیران چاووش اوغلو، آوروپا بیرلیگی‌نین تورکیه‌یه تحریم قرارینی دگرلندیردی.

"بونا تحریم دئمک، بو ایشی چوخ جدییه آلماق دئمک‌دیر. چوخ دا جدییه آلماغا احتیاج یوخ‌دور". دئین چاووش اوغلو،

"تورکیه‌یه تامین ائده‌جک قاتیلیم اؤنجه‌سی مالی یاردیم‌لاری (IPA) کسینتی‌لرینی اونسوز دا داها اوّل یاراتمیشدی‌لار. بون‌لار عادی شئی‌لر بیزی تأثیر ائده‌جک شئی‌لر دئییل. بانکا توصیه وئرمه‌سی، آوروپا بیرلیگینین باشقا بیر ضدیتی. آوروپا بیرلیگینین بیزه احتیاجی وار. آلدیق‌لاری قرارلارین حیاتا کئچیریلمه‌سی‌نین ده مومکون اولمادیغینی اؤزلری ده بیلیر. قیبریس روم طرفی قانع ائتمک اوچون آنلامسز قرارلار آلماق وضعیتده قالدی‌لار. پروبلم قیبریس تورک خالق‌لاری‌نین آدا اطرافین‌داکی حاق‌لاری‌نین تأمینات وئرممه‌سی‌دیر". ایفاده‌لرینی ایستیفاده ائتدی.

تورکیه‌یه قارشی بئله قرارلارین آلینماسی حالیندا دوغو آغدنیزدکی فعالیت‌لری آرتیرا‌جاق‌لارینی دا قئید ائدن چاووش اوغلو،

"دوغو آغدنیزده اوچ گمیمیز وار، دؤردونجو گمی ده گؤندره‌جگیک. روم طرفی ده آوروپا بیرلیگی آرخاسینا آلماسین. روم طرفینی دینلییجی قوزئی قیبریس تورک جمهوریتیدیر. بیر آن اوّل عقل‌لرینی باش‌لارینا ییغسینلار. شکلینده دانیشدی.

روسیا‌دان آلینان اس-400 هاوا ساوونما سیستم‌لرینه آمریکانین اعتراضینی ده قیمتلن‌دیرن چاووش اوغلو،

آلدیغیمیز اس-400 سیستمی ناتو سیستم‌لرینه اف-35 ساواش اوچاق‌لاری دا بیر تهلوکه یاراتمیر. تامامیله بیزیم نظارتیمیزده اولا‌جاق بیر سیستم‌دیر. لازیم‌سیز گرگین‌لیک یاراتماغا احتیاج یوخ‌دور. اونسوز دا بیتمیش بیر آنلاشما. آرتیق تحویل پروسه‌سی ده باشلاییب". دئدی.



ایلگیلی‌لی خبرلر