امریکانین یئنی سفیر آنکارایا گلدی

امریکانین یئنی تعیین اولونموش آنکارا سفیری دیوید ساترفیلد اؤتن گون تورکیه-‌یه گلدی.

سفیر ساترفیلدی هاوا لیمانیندا امریکانین آنکارا‌داکی سفیرلیگی‌نین موقتی ایشلر وکیلی جفری م. هوونیر قارشیلادی.

امریکانین آنکارا‌داکی سفیرلیگی بو معلوماتی تویتر حسابیندان پای‌لاشا‌راق: "امریکانین آنکارا سفیری تعیین اولونان دیوید ساترفیلدین بو گون آنکارایا گلدیگینی بیل‌دیریریک. تورکیه‌یه خوش گلدینیز!" ایفاده‌سی ایشلدیلدی.

قئید ائدک کی، امریکا پرزیدنتی دونالد ترامپ 2017-جی ایلده وظیفه‌یه باشلادیقدان سونرا عینی ایلده تورکیه‌دکی وظیفه مدتی باشا چاتان امریکانین آنکارا‌داکی سفیری جان باسی افغانیستانا سفیر گؤندرمیشدی.

باس آنکارانی ترک ائتدیک‌دن سونرا تخمینا 1،5 ایل تورکیه‌یه سفیر تعیین اولونمامیشدی.

ترامپ 1،5 ایلدن سونرا 6 فوریه تاریخینده امریکانین آنکارا‌داکی سفیری وظیفه‌سینه دیوید ساترفیلدین نامیزدلیگینی ایره‌لی سورموشدو.

آبش سناتی دا ژوئن آیی نین 28-ده ساترفیلدی بو وظیفه‌یه تصدیق ائتمیشدی.