یاووز، ایلک سونداژینا باشلایاجاق
"ایر‌لیله‌یه‌ن زامانلاردا نتیجه‌لرینی ده پایلاشاجاییق"
تورکییه‌نین ایکینجی سونداژ گمیسی یاووز، بیر هفته ایچری‌سین‌ده دوغو آغ دنیزده قوزئی قیبریس تورک جمهوریتیندن آلینان رخصت بؤلگه‌سین‌ده ایلک سونداژینا باشلایاجاق.
انرژی و طبیعی قایناقلار باخانی فاتح دؤنمز، یاووز گمی‌سینین آغ دنیزده‌کی قازما پروگرامینا ایلیشکین دانیشدی.
تورکییه‌نین ایکینجی قازما گمیسی یاووزو، دوغو آغ‌دنیزده‌کی چالیشمالار اوچون گئچن هفته گبزه‌یه یولچو ائتدیکلرینی خاطیرلادان دؤنمز، حاضردا گمینین مرسین-تاش‌اوجون‌دا بعضی دولدورمالارینی و سون کنترللارینین ائدیلدیگینی سؤیله‌دی.
دؤنمز، تخمیناً ۲،۵-۳ آیلیق بیر پروگرامین سؤز قونوسو اولدوغونا ایشاره ائد‌رک،
"بیر هفته عرضین‌ده دوغو آغ‌دنیزده، قوزئی قیبریس تورک جمهوریتیندن آلدیغیمیز رخصت بؤلگه‌سین‌ده، کارپازدا یاووز گمی‌سینین ایلک سونداژینا باشلامیش اولاجاییق. ایر‌لیله‌یه‌ن زامانلاردا نتیجه‌لرینی ده پایلاشاجاییق" دئیه دانیشدی.
