تورکییه، ان یاخشی ۷.جی اؤلکه سئچیلدی
تورکییهدهکی خاریجی چالیشانلارین یوزده ۶۲سی حیات کیفیتلرینین اؤز اؤلکهلرینه نیسبتا آرتدیغینی قید ائدیر
تورکییه، یاشاماق و ایشلهمک اوچون دونیادا ان یاخشی ۷.جی اؤلکه سئچیلدی.
اچاسبیسی قروپو، ۱۶۳ اؤلکهدن ۱۸ میندن چوخ خاریجی چالیشانین گؤروشونو آلاراق گرچکلشدیردیگی "اکسپات اکسپلوریر"سورغوسونون نتیجهلرینی یاییملادی.
سورغو، اؤلکهلرین سوندوغو ایمکانلاری حیات کیفیتی، ایش-اؤزل یاشام دنگهسی، مالی گلیر و عائله حیاتی باخیمیندان آراشدیریر.
سورغویا گؤره، تورکییهدهکی خاریجی چالیشانلارین یوزده ۶۲سی حیات کیفیتلرینین اؤز اؤلکهلرینه نیسبتا آرتدیغینی قید ائدیر.
تورکییهدهکی خاریجی چالیشانلارین یوزده ۵۲سی ایش یاشاملارینا، تفنن و یا عائلهسینه اوداقلانمایا داها چوخ واخت تاپدیغینی، یوزده ۵۵ی داها یاخشی بیر ائو و یا ماشین کیمی ایستکلرینی قارشیلایابیلدیگینی، یوزده ۶۹و ایسه اؤزونو گوونده حس ائتدیگینی و یئرلی خالقین جانا یاخین اولدوغونو ایفاده ائدیر.
خاریجی چالیشانلارین یوزده ۶۰ی اؤز اؤلکهلرینه نیسبتا تورکییهده ایش-اؤزل حیات دنگهسینین داها یاخشی اولدوغونو بیلدیریر.
بونونلا یاناشی خاریجی چالیشانلارین یوزده ۵۹و داها چوخ سیاحت ائتدیگینی، یوزده ۵۷سی دالما، خاریجی دیل و یا یئمک بیشیرمه کیمی یئنی بیر باجاریق اؤیرندیگینی قید ائدیر.
تورکییهدهکی خاریجی چالیشانلارین یوزده ۷۲سی یاشادیقلاری شهرین معمارلیق، آنید و پارکلار، تاریخی و مدنی توخو باخیمیندان زنگین اولدوغونو ایفاده ائدیر. بونونلا یاناشی، یوزده ۶۳و یاشادیقلاری شهرین سیاحت اوچون مرکزی مؤقعیتده اولدوغونو، یوزده ۵۹و ایسه شهرده جانلی بیر کولتورل حیات اولدوغونو بیلدیریر.
خاریجی چالیشانلارین یوزده ۵۸ی ایسه گؤزل رستورانلار و کیفیتلی یئمهگین اولدوغونو ایفاده ائدیر.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب