تورکیه نیجرده تؤره‌دیلن ترور آکتینی قینادی

تورکیه نیجرین مالی ایله اولان سرحدینده یئرلشن ایناتس شهرینده حربی بیرلیگه ائدیلن ترور هوجومونو قینادی.

1229132
تورکیه نیجرده تؤره‌دیلن ترور آکتینی قینادی

تورکیه نیجرین مالی ایله اولان سرحدینده یئرلشن ایناتس شهرینده حربی بیرلیگه ائدیلن ترور هوجومونو قینادی.

خاریجی ایشلر ناظیرلیگی‌نین آچیقلاماسیندا نیجرین باتی سینداکی تیلابری بؤلگه‌سینده یئرلشن ایناتس شهرینده کی حربی بیرلیگه ائدیلن اینتیحار هوجوموندا چوخ سایدا آدامین حیاتینی ایتیرمه‌سیندن درین کدر دویولدوغو بیلدیریلدی.

آچیقلامادا "ترور هوجومونو سرت شکیلده قیناییر، قارداش نیجر خالقینا و حکومتینه باش ساغلیغی وئره‌رک، حیاتینی ایتیرن‌لره الله‌دان رحمت دیلییریک" ایفاده‌سی ایشلدیلیب.

قئید ائدک کی، نیجرین مالی ایله سرحدینده اردویا مخصوص قرارگاه‌لاردان بیری‌نین یاخینلیغیندا بومبا یئرلش‌دیرن ترورچولار 2 ماشینی محو ائده‌رک، عسگرلره آتش آچمیشدی.

حادثه نتیجه‌سینده 18 عسگر هلاک اولموش، 4 عسگردن ایسه خبر آلینا بیلمه‌دیگی بیلدیریلمیشدی.

نیجر اردوسو اؤلکه‌نین باتی سیندا داعش و القاعده ایله علاقه‌ده اولان ترور تشکیلات‌لاری ایله موباریزه آپاریر.

دیگر طرف‌دن بؤلگه‌ده ترورلا موباریزه چرچیوه‌سینده فرانسانین 4 مین‌دن آرتیق عسگری وار.



ایلگیلی‌لی خبرلر