حولوصی آکار یونانیستانین مودافعه ناظیری ایله گوروشدو
میللی مودافعه ناظیری حولوصی آکار یونانیستانین مودافعه ناظیری اوانگلوس آپوستولاکیس ایله گؤروش کئچیردی.
میللی مودافعه ناظیری حولوصی آکار یونانیستانین مودافعه ناظیری اوانگلوس آپوستولاکیس ایله گؤروش کئچیردی.
میللی مودافعه ناظیرلیگینین آچیقلاماسینا گؤره، آکار بئلچیکانین پایتاختی بروکسل-ده کئچیردیگی گؤروشلری چرچیوهسینده آپوستولاکیس ایله ناتو-نون باش قرارگاهیندا بیر آرایا گلدی.
گؤروشده ایکی اؤلکهنین مودافعه ناظیرلیکلری آراسیندا آتن و آنکارادا کئچیریلن اعتیمادی آرتیراجاق تدبیرلر باشدا اولماقلا اگه دنیزینده امکداشلیغی گوجلندیرمک مقصدیله تشکیل ائدیلن هیتلر آراسینداکی ییغینجاقلاردان دویولان ممنونلوق دیله گتیریلدی، همین توپلانتیلارین یاخشی قونشولوق علاقهلری چرچیوهسینده داوام ائتدیریلمهسینین داشیدیغی اهمیت وورغولاندی.
ناظیر آکار طرفیندن پروبلئملرین یاخشی قونشولوق علاقهلری ایچینده، باریش و دوستولوق چرچیوهسینده، اولوسلار آراسی حقوقا اویغون شکیلده حلی، اگه و آغ دنیزده میللی حاق و ماراقلاردان گذشته گئدیلمهیهجگی، ضدیت دوغوران رفتار و بیاناتلاردان ایمتینا ائدیلمهسینین اهمیتی وورغولاندی.
دیگر طرفدن میللی مودافعه ناظیری حولوصی آکار ناتو مودافعه ناظیرلری ییغینجاغی چرچیوهسینده ناتو-نون حربی کومیته صدری ژنرال استوارت پئج و ناتونون باش کاتیبی ینس استولتنبرگ ایله ده آیری-آیریلیقدا گؤروشلر کئچیردی.