تهران‌-وان سفرلری باشلادی

یولچو قاتاری، سحر ساعاتلارین‌دا وانا چاتدی

1224789
تهران‌-وان سفرلری باشلادی
tahran-van tren yolcu.jpg

ایرانین باشکندی تهران‌دان وانا یولچو قاتاری سفرلری یئنی‌دن باشلادی.

تهران‌دان دونن ساعات ۰۹.۳۰دا حرکت ائد‌ن ۵ واگون‌لو،۱۸۰ نفرلیک یئری اولان یولچو قاتاری، سحر ساعاتلارین‌دا وانا چاتدی.

تخمیناً ۲۱ ساعات‌لیق سفرین آردین‌دان وانا گلن ۷۹ ایران‌لی یولچو، مینی‌بوس و اتومبیللرله شهر مرکزینه گئچدی.

رجا دمیر یولو نقلیاتی شیرکتی توریزم بؤلومو رئیسی مهرداد ناصری، تهران-وان قاتار سفرلرینین باشلاماسین‌دان دویدوغو ممنونیتی دیله گتیردی.

ناصری، سفرلرین هفته‌ده ایکی دفعه ائدیله‌جگینی بیلدیردی.

چوخ یاخین‌دا تهران-آنکارا قاتارینین ده سفرلرینه باشلایاجاغینی قید ائد‌ن ناصری، سفرلرین آرتماسی ایران ایله تورکییه آراسین‌دا ایش بیرلیگینین ده گلیشه‌جگینی دوشوندوکلرینی سؤیله‌دی.

ناصری، سفرلرین، ایکی اؤلکه‌نین اقتصادی ایلیشکیلرینه ده اؤنم‌لی قاتقی وئرجگینی وورغولادی.

ایران‌دان گلن یولچولار دا قاتار سفرلرینین آچیلماسین‌دا امه‌گی گئچه‌نلره تشکر ائد‌رک، یاخشی بیر سفر ائتدیکلرینی دیله گتیردی.

قاتار بو گون ساعات ۲۱.۰۰ده واندان تهرانا حرکت ائد‌جک.

ترور هؤرگوتو پ‌کاکانین سالدیریلاری سببیله ۲۰۱۵ده داوردورولان وان-تبریز قاتار سفرلری ده ساغلانان گوون اورتامی ایله گئچن ایل یئنی‌دن باشلامیشدی.


اتیکتلر: #سفر , #وان , #تهران

ایلگیلی‌لی خبرلر