اردوغان، ترامپ ایله گؤروشه‌جک

گ-۲۰ ذیروه توپلانتی‌سی ۲۸-۲۹ ژوئنده ژاپنون اوساکا شهرین‌ده گئچیریله‌جک

اردوغان، ترامپ ایله گؤروشه‌جک

جمهورباشقانی رجب طب اردوغان، ژاپندا ۲۸-۲۹ ژوئنده گئچیریله‌جک گ-۲۰ ذیروه‌سین‌ده آمریکا بیرلشمیش دؤولتلری پرزیدنتی دونالد ترامپ ایله ایکیلی گؤروشمه ائده‌جک.

اوست سویه بیر آغ ائو یئتکی‌لی‌سی،دونالد ترامپن ژاپن پروگرامینا دایر بیر تله‌کنفرانس گرچکلشدیردی.

ترامپین ژاپن پروگرامی چرچیوه‌سین‌ده ۸ اؤلکه لیدئری ایله گؤروشمه‌لر گرچکلشدیره‌جگینی بیلدیرن یئتکی‌لی، ترامپ ایله اردوغانین بیر آرایا گله‌جگینی ایفاده ائتدی.

آغ ائو یئتکی‌لی‌سی ترامپین چین دؤولت باشقانی شی جین‌پینگ، روسیا پرزیدنتی ولادیمیر پوتین، سعودی عربیستان ولیعهدی محمد بن سلمان، ژاپن باشباخانی شینزو آبه، هیندیستان باشباخانی نارندرا مودی، آلمانیا باشباخانی آنگلا مرکل و استرالیا باشباخانی سکات موریسون ایله ده ایکیلی گؤروشمه‌لر گئچیرجگینی آچیقلادی.

اردوغان ایله ترامپ آراسین‌داکی گؤروشمه‌ده باش‌دا اس-۴۰۰ هاوا ساوونما سیستملری مسئله‌سی اولماقلا ایکی اؤلکه ایلیشکیلرین‌ده‌کی آنا قونولارین قابساملی شکیل‌ده مذاکیره اولونماسی گؤزلنیلیر.

گ-۲۰ ذیروه توپلانتی‌سی ۲۸-۲۹ ژوئنده ژاپنون اوساکا شهرین‌ده گئچیریله‌جک.


اتیکتلر: ژاپن , ترامپ , اردوغان

ایلگیلی‌لی خبرلر