اردوغان: گلن آی تحویل آلماغا باشلاییریق
"اس- ۴۰۰ مسئلهسی، دوغرودان اگمنلیک حاقلاریمیزا باغلیدیر و بوندان گئری آددیم آتمایاجاییق"
پرزیدنت رجب طیب اردوغان، اس-۴۰۰ هاوا ساوونما سیستمینین گلن آی تحویل آلینماغا باشلایاجاغینی بیلدیردی.
جمهورباشقانی و عدالت و قالخینما پارتیسی باشقانی(آک پارتی) رجب طیب اردوغان، پارتینین تورکییه بؤیوک میلت مجلیسی) قروپ توپلانتیسیندا دانیشدی.
اردوغان چیخیشیندا، "(روسیادان) سیفاریش ائتدییمیز اس-۴۰۰ هاوا ساوونما سیستملرینی اینشاالله اؤنوموزدهکی آی تحویل آلماغا باشلاییریق" دئدی.
اردوغان، "اس- ۴۰۰ مسئلهسی، دوغرودان اگمنلیک حاقلاریمیزا باغلیدیر و بوندان گئری آددیم آتمایاجاییق" ایفادهلرینی ایشلتدی.
چیخیشیندا دوغو آغدنیزده هیدروکربن آختارما فعالیتلرینه ده توخونان اردوغان،
"یونانیستان باشباخانی نه سؤیلهسه سؤیلهسین بیزیم اورادا حقاقلاریمیز وار. حاقلاریمیزی قوروماق آدینا، هم آراما تاراما گمیلریمیز هم قازما گمیلریمیز فعالیتلرینی داوام ائتدیرهجک" شکلینده دانیشدی.
فرانسا پرزیدنتی امانوئل مکرونون دوغو آغدنیزیله باغلی آچیقلامالارینا تپکی وئرهن اردوغان،
"فرانسا سن دانیشابیلمزسن. سنین بئله بیر صلاحیتین یوخدور. سولارلا باغلی ده ایلگی آلانلاری ایچریسینده اولانلار وارسا اونلارین دا سؤیلهیهجک بیر شئیلری اولابیلر. قیبریسا گلینجه بورادا ۳ دنه صامن اؤلکه وار (تورکییه، یونانیستان، اینگیلتره). آنجاق بونلار دانیشیر" دئدی.