تورکیه‌یه تشکر ائدیلدی

بیرلشمیش میلتلر اینسان حاقلاری یوکسک کمیسرلیگی، سعودی ژورنالیست جمال قاشیقچی جینایتینین آیدینلادیلماسی آدینا ائتدیگی ایش بیرلیگی اوچون "تورکییه‌یه مینتدار" اولدوغونو بیلدیردی.

اینسان حاقلاری یوکسک کمیسرلیگی، بیرلشمیش میلتلر اؤزباشینا حکم اجرالاری اؤزل راپورچوسو آگنس کالاماردین، قاشیق‌چی جینایتینه دایر حاضیرلادیغی راپور حاقین‌دا یازیلی آچیقلاما وئردی.

آچیقلامادا، تورک حکومتینه، "جینایتین آراشدیریلماسی ایله باغلی ائتدیگی ایش بیرلیگی و گؤستردیگی یاخشی نیت اوچون سون درجه مینتدار" اولدوغو بیلدیریلدی.

اینسان حاقلاری یوکسک کمیسرلیگی طرفین‌دن آچیقلانان ۱۰۱ صحیفه‌لیک راپور‌دا سعودی عربیستان، جامال قاشیقچی‌نی قصداً و عمداً اؤلدورمک‌دن سوروملو توتولموش‌دو.

راپور‌دا، آرالارین‌دا سعودی عربیستانینین ولیعهدی محمد بن سلمان دا اولدوغو یوکسک سویه‌لی مقاملارین آراشدیریلماسی اوچون گوونیلیر دلیللر اولدوغونا ایشاره ائدیلمیشدی.

"عربیستان، دیپلوماتیک ایمتیازلارین استثماری و اؤز تورپاقلاری دیشیندا گوج ایستیفاده‌سی قاداغاسینی پوزماقدان اؤترو تورک حکومتین‌دن عذر ایسته‌مه‌لی‌دیر" ایفاده‌لرینین ایشلدیلدیگی راپوردا سعودی عربیستان، قاشیقچینین یاشادیغی آمریکادان دا عذر ایسته‌مه‌یه دعوت ائدیلمیشدی.

سعودی ژورنالیست جاال قاشیقچی، ۲ اکتبردا ائولی‌لیک ایشلملری اوچون گئتدیگی سعودی عربیستانین ایستانبول باش کونسوللوغون‌دا وحشیجه‌سینه قتله یئتیریلمیشدی.