اردوغان:"قایناقلارین قورونماسی بوتون اینسانلیغین امکداشلیغی ایله مومکون اولاجاق"
دونیا چؤل لشمه ایله موباریزه گونونه گؤره آنکارا تیجارت اتاقی کنگره مرکزینده کئچیریلن تدبیرده جمهور باشقانی اردوغانین عنوانلادیغی مکتوب دا اوخوندو.
جمهور باشقانی رجب طیب اردوغان دنیزلرین اقیانوس لارین، یئرالتی و اوزریندکی سو قایناقلارینین قورونماسی، چؤل لشمه ایله موباریزه و قلوبال ایستیلشمه ایله باغلی ایقلیم دییشیکلیگی کیمی پروبلئملرین حلینین بوتون اینسانلیغین امکداشلیغی ایله مومکون اولاجاغینی سؤیلهدی.
دونیا چؤل لشمه ایله موباریزه گونونه گؤره آنکارا تیجارت اتاقی کنگره مرکزینده کئچیریلن تدبیرده اردوغانین عنوانلادیغی مکتوبو دا اوخوندو.
اردوغان دونیانین قلوبال ایستیلشمه، قوراقلیق، سوسوزلوق، چول لشمه، بیولوژی موختلیف لیگین آزالماسی و بیر سیرا جانلی نوع لرینین یوخ اولماسی کیمی جدی چئوره فلاکتلریله موباریزه ائتدیگینی، پروبلئمین حلی اوچون بوتون اینسانلیغین امکداشلیق ائتمهسینین واجیبلیگینی دیله گتیردی.
تورکیه-نین اکولوژی موختلیفلیک و طبیعت وارلیقلاری باخیمیندان خیلی زنگین اؤلکه اولدوغونو وورغولایان اردوغان "بو زنگینلیگین، بو میراثین قیمتینی بیلمک و بو میراثی گلهجک نسیللره داها دا اینکیشاف ائتدیرهرک، زنگین لشتیرهرک چاتدیرماق اوچون بوتون گوجوموزله چالیشاجاغیق" دئدی.
تاریم و مئشه ناظیری بکیر پاک دمیرلی ده چیخیشیندا چؤل لشمه نین دونیانی تهدید ائدن و گوندن-گونه آرتان، حربلردن داها تهلوکهلی و گیزلی اولدوغونو سؤیلهدی.
پاکدمیرلی تورکیه-ده هر ایل 50-یه یاخین اؤلکهدن 100-ا یاخین متخصصه چؤل لشمه ایله موباریزه بارهده تعلیم کئچیلدیگینی دیله گتیردی.
بمت-نین باش کاتیبی آنتونیو گوترش ده ویدئو مئساژیندا "تورپاغی قوروماق، اصلاح ائتمک و داها کیفیتلی حالا گتیرمک و داها یاخشی ایستیفاده ائتمکله کؤچو آزالدا ، ارزاق تهلوکهسیزلیگینی آرتیرا و ایقتیصادی اینکیشافی تشویق ائده بیلریک" دئدی.