"قورولماق ایسته‌نیله‌ن پ‌کاکا دؤولتینین آرتیق احتیمالی یوخ"

قالین، جمهورباشقانی رجب طیب اردوغان باشقانلیغیندا جمهورباشقانلیغی ساراییندا ائدیلن کابینه توپلانتی‌سی داوام ائدرکن آچیقلامالار وئردی

"قورولماق ایسته‌نیله‌ن پ‌کاکا دؤولتینین آرتیق احتیمالی یوخ"

جمهورباشقانی سؤزچوسو ابراهیم قالین، سوریه-تورکییه سینیریندا قورولماق ایسته‌نیله‌ن پ‌کاکا دؤولتینین آرتیق احتیمالینین اولمادیغینی سؤیله‌دی.

قالین، جمهورباشقانی رجب طیب اردوغان باشقانلیغیندا جمهورباشقانلیغی ساراییندا ائدیلن کابینه توپلانتی‌سی داوام ائدرکن آچیقلامالار وئردی.

سوریه‌ده باش وئره‌ن گلیشمه‌لرین یاخین‌دان تعقیب ائدیلدیگینی بیلدیره‌ن قالین، بئله داوام ائتدی:

"ادلب، تل رفعت و فرات چایینین دوغوسونداکی گلیشمه‌لرین علیه‌یمیزه دؤنمه‌سینی اؤنلمه‌ک اوچون بو گونه قدر چوخ اؤنملی آددیملار آتمیشیق، بو آددیملاری دا آتماغا داوام ائدجییک. سایین پرزیدنتیمیزین درایتلی لیدئرلیگی سایه‌سین‌ده بیلدیینیز کیمی، گونئییمیزده سوریه-تورکییه سرحدین‌ده قورولماق ایسته‌نه‌ن پ‌کاکا دؤولتی آرتیق احتیمال دیشی حالا گلمیش‌دیر" دئدی.

عینی شئیین دوغو آغ‌دنیزده باش وئره‌ن گلیشمه‌لر اوچون ده گئچرلی اولدوغونو بیلدیره‌ن قالین،

"اورادا بیلدیینیز کیمی بیر اولدو بیتدی ایله قیبریس روم کسیمی‌نین هم قیبریس تورکلرینین هم ده تورکییه‌نین اولوسلارآراسی آنلاشمالاردان و جغرافی قونوموندان ایر‌لی گلن حاقلارینی غصب ائتمه، پوزما یاناشیملارینی شدتله رد ائدیریک. بو گونه قدر اولدوغو کیمی، بوندان سونرا دا اساس توتوموموزو تورکییه و قیبریس تورکلرینین حاقینی حقوقونو قورویاجاق شکیل‌ده محافظه و مدافعه ائتمه‌یه داوام ائدجییک" ایفاده‌لرینی ایشلتدی.



ایلگیلی‌لی خبرلر