تورکیه‌دن هلنده تپکی
"هلند نماینده‌لر مجلسین‌ده تورکییه قارشیدی چئوره‌لرین گیریشیمی ایله دونن قبول ائدیله‌ن ۱۹۱۵ حادثه‌لرینه باغلی قرارلاری شدتله رد ائدیریک"
آنکارا، هلند نماینده‌لر مجلسین‌ده قبول ائدیله‌ن تورکییه قارشیدی قرارلاردا اؤنه سۆرولن ادعالارین اساس‌سیز و بؤهتان دولو اولدوغونو بیلدیردی.
خاریجی ایشلر باخانلیغی طرفین‌دن وئریله‌ن یازی‌لی آچیقلامادا،
"هلند نماینده‌لر مجلسین‌ده تورکییه قارشیدی چئوره‌لرین گیریشیمی ایله دونن قبول ائدیله‌ن ۱۹۱۵ حادثه‌لرینه باغلی قرارلاری و بو قرارلاردا اؤلکه‌میزه قارشی اؤنه سۆرولن اساس‌سیز و بؤهتان دولو ادعالاری شدتله رد ائدیریک" ایفاده‌سی ایشلدیلدی.
"بو جور اساس‌سیز، آنلاییش و جدی‌لیک‌دن یوخسون چابالارین بونلارا توسل ائد‌نلر اوچون قارشی‌لیق‌سیز قالمایاجاغی" وورغولانان آچیقلامادا، پوپولیزم یولویلا گونو قورتاریب سئچیجیلری نزدین‌ده دقت چکمه‌یه چالیشان سیاست آنلاییشینین، سون تحلیل‌ده بو عاغیل و منطق دیشی یاناشمالارا تسلیم اولانلارا ضرر وئرجیینه ایشاره ائدیلدی.
آچیقلامادا، بونلار قید ائدیلدی:
"هلند نماینده‌لر مجلسینین اؤن یارغیلاردان بسلنه‌ن بیر تورکییه قارشیدلیغی یئرینه، آوروپا دگرلرینی تهدید ائد‌ن داها جدی مؤوضوعلارا اگیلمه‌سی مقصده اویغون اولاجاق. بو باغلامدا، یوک‌سه‌له‌ن آشیری ساغ، خاریجی دوشمنلیگی، عیرق‌چی‌لیق، ایسلام قارشیدلیغی و مسجیدلره ائدیله‌ن سالدیریلارداکی آرتیشا قارشی آلیناجاق تدبیرلرین اؤنجه‌لیک‌لی اولاراق اله آلماسیندا فایدا وار. هلند ایله ایلیشکی‌لریمیزین نورماللاشماسینا دایر چابا گؤستریلدیگی و قارشی‌لیق‌لی آددیملار نتیجه‌سین‌ده مثبت گلیشمه‌لرین اولدوغو بیر آشامادا، پارلمانین بو جور اساس‌سیز، پیس نیت‌لی و هانسی مقصده خیدمت ائتدیگی آیدین اولمایان گیریشیملرینین ایلیشکی‌لریمیزین گلیشمه‌سینه قاتقی وئرمه‌یه‌جگی آچیق‌دیر".
