حولوصی آکار شاناهانین مکتوبونا موناسیبت بیلدیردی

میللی مودافعه ناظیری حولوصی آکار امریکا مودافعه ناظیری‌نین وظیفه‌لرینی ایجارا ائدن پاتریک شاناهانین گؤندردیگی اس-400 مکتوبونون طرفداش‌لیق روحونا اویغون گلمه‌دیگینی و لازیم‌لی جاوابی حاضیرلادیق‌لارینی سؤیله‌دی.

حولوصی آکار شاناهانین مکتوبونا موناسیبت بیلدیردی

میللی مودافعه ناظیری حولوصی آکار امریکا مودافعه ناظیری‌نین وظیفه‌لرینی ایجارا ائدن پاتریک شاناهانین گؤندردیگی اس-400 مکتوبونون طرفداش‌لیق روحونا اویغون گلمه‌دیگینی و لازیم‌لی جاوابی حاضیرلادیق‌لارینی سؤیله‌دی.

حولوصی آکار آذربایجان-گورجوستان-تورکیه مودافعه ناظیرلری‌نین اوچ طرف‌لی توپلانتی‌سینا قاتیلماق اوچون گئتدیگی قبله شهرینده ژورنالیست‌لرین موضوع ایله باغلی سوال‌لارینی جاوابلاندیردی.

آکار شاناهانین مکتوبونون اوسلوبو اوزرینده حساس دایاندیق‌لارینی بیلدیردی و مکتوبدا ایستراتژی طرفداش‌لیق چرچیوه‌سینده موجود پروبلئم‌لره حل تاپماق و هرطرف‌لی تهلوکه‌سیزلیک امکداش‌لیغی‌نین قورونماسی باره‌ده گؤزلنتی‌نین دیله گتیریلدیگی، موذاکیره‌لرین داوام ائتدیریلمه‌سی‌نین اهمیتی‌نین ایفاده ائدیلدیگینی وورغولادی.

آکار مکتوبون اوسلوبونون متفیق‌لیک روحونا اویغون اولمادیغینی ایفاده ائده‌رک، "بونا گؤره واجیب فعالیت‌لریمیزی داوام ائتدیریریک، لازیمی جاوابی حاضیرلاییریق و یاخین زاماندا جاواب‌لارینی وئرجییک. بو آیین سونوندا بروکسلده  ناتو مودافعه ناظیرلری ییغینجاغی تشکیل ائدیله‌جک. اورادا دا شاناهانلا بیر آرایا گلجییک" دئیه سؤیله‌دی.

صاباح امریکا مودافعه ناظیری‌نین وظیفه‌لرینی ایجارا ائدن شاناهان ایله تلفونلا دانیشا‌جاق‌لارینی بیلدیرن آکار تلفون دانیشیغیندا و دیگر گؤروش‌لرده تورکیه-‌نین، تورکیه سلاح‌لی قوه‌لری‌نین معلوم اولان دوشونجه‌لرینی، طلب‌لرینی بیر داها موذاکیره ماساسینا قویدوق‌لارینی، قویماغا دا داوام ائده‌جک‌لرینی وورغولادی.

تورکیه-‌نین بو گونه قدر ناتو موضوع سوندا امریکا ایله اولان عهده لیک لری موضوع سوندا هر هانسی بیر آخساقلیغا سبب اولما‌دان مسئولیت‌لری‌نین هامی‌سینی اسکیک‌سیز، تامامیله یئرینه گتیردیگینی وورغولایان حولوصی آکار "بونا گؤره ده طرف-موقابیل‌لریمیزین اؤز عهده لیک لرینی و مسئولیت‌لرینی بنزر شکیلده یئرینه یئتیرمه‌لرینی گؤزلییریک" دئدی.

 



ایلگیلی‌لی خبرلر