پاکیستان-تورکیه تروریزم ایله موباریزه گؤروشمه‌لری

پاکیستان ایله تورکیه آراسیندا "تروریزم ایله موباریزه دانیشیق‌لاری‌نین" ایلک ایجلاسی آنکارادا ائدیلدی

1212763
پاکیستان-تورکیه تروریزم ایله موباریزه گؤروشمه‌لری

پاکیستان ایله تورکیه آراسیندا "تروریزم ایله موباریزه دانیشیق‌لاری‌نین" ایلک ایجلاسی آنکارادا ائدیلدی.

پاکیستانین آنکارا سفیرلیگین‌دن ائدیلن یازی‌لی آچیقلامادا، ایکی اؤلکه آراسیندا ائدیلن تروریزم علیهینه گؤروشمه‌لرین ایلک ایجلاسینا، پاکیستان هئیتینه تروریزمله موباریزه عمومی مودیری احمت فاروک لیدرلیک ائدرکن، تورک طرفینه خاریجی ایشلر ناظیرلیگی آراشدیرما و امنیت ایشلری عومی مودیری سفیر آیلین تاشحان باشقانلیق ائتدی.

موذاکیره‌لر زامانی طرف‌لر بین الخالق تروریزم‌دن یارانمیش قلوبال و بؤلگه‌سل تهدیدلری نظردن کئچیره‌رک تروریزمله موباریزه‌ده اونلارین قرارلیغینی تصدیقله‌ییب‌لر. بو چرچیوه‌ده، طرف‌لر حقوقون اوستونلوگونه و پروبلمین گؤکونه ائنه‌رک تروریزم و رادیکالیزمه قارشی هرطرف‌لی یاناشمانین اهمیتینه دایر راضیلیغا گلیب‌لر.

بون‌دان علاوه، طرف‌لر یاخین شرقده و دونیانین دیگر یئرلرینده اولان داعش ترور تشکیلاتی‌نین یاراتدیغی تهلوکه ایله باغلی فیکیرلرینی پایلاشدیلار.

ایجلاسدا، پاکیستان طرفی، تورک هئیتینی، اؤلکه‌ده جمعیتین بوتون سئقمئنت‌لری طرفین‌دن ائدیلن اورتاق حرکت نتیجه‌سینده یاخشی‌لاشان امنیت وضعیتی حاقیندا معلوماتلاندیردی. آیریجا، پاکیستاندا ضرب العذاب و ردالفساد عملیات‌لاری ایله میللی فعالیت پلانی واسطه‌سیله تروریزمه قارشی موباریزه‌ده الده ائدیلن بؤیوک اوغورلار وورغولاندی.

طرف‌لر، تروریزم علیهدارلیغی ساحه‌سینده داوام ائدن پاکیستان-تورکیه ایش بیرلیگینی و اورتاق‌لیغینی گؤزدن کئچیره‌رک، ایکی اؤلکه آراسیندا امنیت، جینایت-یارغیلامالاری، حقوقی قایدا‌لار، تروریزمین فینانسمانی‌نین قارشی‌سینی آلماق و رادیکاللشمکدن چکینیلمه‌سی کیمی ساحه‌لرده ان یاخشی تجروبه‌لرین پایلاشیلماسی دا اولماقلا داها چوخ ایش بیرلیگی ساحه‌لری‌نین آراشدیریلماسی اوزرینده راضی‌لاشدی.

پاکیستان-تورکیه تروریزم ایله موباریزه دانیشیق‌لاری‌نین ایکینجی ایجلاسی‌نین، گله‌جک ایل ایسلام آباددا ایکی طرفه اویغون بیر تاریخده رئاللاشدیریلماسی قرارلاشدیریلدی.



ایلگیلی‌لی خبرلر