اردوغان و پوتین آراسیندا تلفون دانیشیغی اولدو

جمهور باشقانی رجب طیب اردوغان روسیانین دؤولت باشچی‌سی ولادیمیر پوتینه سوریه-ده رژیم قوه‌لری‌نین ادلیب-ده تورکیه-روسیا امکداش‌لیغینی سابوتاژ ائتمه‌یه چالیشدیغینی سؤیله‌دی.

اردوغان و پوتین آراسیندا تلفون دانیشیغی اولدو

جمهور باشقانی رجب طیب اردوغان روسیانین دؤولت باشچی‌سی ولادیمیر پوتینه سوریه-ده رژیم قوه‌لری‌نین ادلیب-ده تورکیه-روسیا امکداش‌لیغینی سابوتاژ ائتمه‌یه چالیشدیغینی سؤیله‌دی.

جمهور باشقانی رجب طیب اردوغان و روسیانین دؤولت باشچی‌سی ولادیمیر پوتین آراسیندا تلفون دانیشیغی اولدو.

اردوغان-پوتین تلفون گؤروشونه دایر دئتال‌لاری جمهور باشقانی خبرلشمه شعبه‌سی‌نین صدری فخرالدین آلتون تویتر حسابیندان پای‌لاشدی.

ایکی طرف‌لی علاقه‌لرله یاناشی سوریه-نین ادلیب بؤلگه‌سینده باش وئرن سون احوالات لارین موذاکیره اولوندوغو تلفون دانیشیغیندا اردوغان رژیمین سون ایکی هفته‌دیر ادلیب گرگینلیگی آزالتما بولگه سینده آتشکه‌سین پوزولماسی حال‌لاری‌نین ناراحات ائدیجی اؤلچولره چاتدیغینی، سیویل لرین هابئله مکتب و خسته‌خانا‌لارین هدف آلینیب ویران ائدیلمه‌سی‌نین ترور ایله موباریزه ایله ایضاحی نین ممکن اولمادیغینی بیلدیریب.

رژیمین مقصدی‌نین ادلیب-ده تورکیه- روسیا امکداش‌لیغینی سابوتاژ ائتمک و آستانا روحونو زده‌لمک اولدوغونا ایشاره ائدن پرزیدنت اردوغان، ادلیب-ده گرگینلیگین آرتماسی‌نین آنایاسا کومیته‌سی‌نین احداثی و سیاسی سوره جین موفقیت‌سیزلیگه اوغرادیلماسی ریسکینی ده داشیدیغینا دقت چکیب.

هر ایکی لیدرین سوچی راضیلاشماسینا اولان باغلی‌لیق‌لارینی تصدیق ائتدیگی گؤروشده اردوغان بو گونه قدر سوچی نیت پروتوکولونون حیاتا کئچیریلمه‌سینده اهمیت‌لی مصافه قت ائدیلدیگینی، بونا موقابیل باش وئرن هوجوم‌لارین اورتاق هدف‌لره ضرر وئره بیله جگینی دیله گتیریب.

سون اولا‌راق بوسنی-هرزگوین-ده باش وئرن حکومت بحرانینا توخونان اردوغان بؤلگه‌نین اولوسلار آراسی تشکیلات‌لارلا امکداش‌لیغینی آرتیرماسی‌نین باریش و ثابت‌لیک اوچون واجیب اولدوغونا ایناندیق‌لارینی قئید ائدیب.



ایلگیلی‌لی خبرلر