آمریکانین ایستانبول سئچیمی آچیقلاماسینا تپکی

"یوکسک سئچیم قورولو طرفین‌دن آلینان بو قرارا هر کسین حؤرمت ائتمه‌سی لازیم‌دیر"

آمریکانین ایستانبول سئچیمی آچیقلاماسینا تپکی

تورکییه، آمریکا بیرلشمیش دؤولتلرینین ایستانبول سئچیملری ایله باغلی آچیقلاماسینا تپکی گؤستردی.

خاریجی ایشلر باخانلیغینین سؤزچوسو خامی آکسوی، آمریکا بیرلشمیش دؤولتلری خاریجی ایشلر باخانلیغی سؤزچوسو مورگان اورتگس و آمریکا بیرلشمیش دؤولتلری کنگره عضولرینین ایستانبول‌دا یئرلی سئچیملرین یئنی‌لنمه‌سی قرارینا دایر آچیقلامالارینا دایر،

"یوکسک سئچیم قورولو (یسک) طرفین‌دن آلینان بو قرارا هر کسین حؤرمت ائتمه‌سی لازیم‌دیر. بنزر پروسه‌لرین آمریکا بیرلشمیش دؤولتلری و باشقا اؤلکه‌لرده ده باش وئردیگینین، بونلارین دموکراسینین قوراللاری چرچیوه‌سین‌ده حل اولوندوغونون خاطرده توتولماسی لازیم‌دیر" ایفاده‌سینی ایشلتدی.

آکسوی، مسئله‌یه دایر یازی‌لی آچیقلاماسین‌دا، اؤزگور و دموکراتیک سئچیملرین تورکییه‌نین دؤولت گله‌نگینین وازگئچیلمز بیر پارچاسی اولدوغونو وورغولادی،

"هر سئچیم‌ده الده اولونان یوکسک قاتیلیم اورانی، خالقیمیزین دموکراسییه اولان باغلی‌لیغینی و سئچیم سیستمینه اولان گوونینی ان یاخشی شکیل‌ده اورتایا قویور" ایفاده‌سینه یئر وئردی.

ایستانبول‌دا سئچیملرین یئنی‌لنمه‌سی قرارینین ۳۱ مارس ۲۰۱۹دا گئچیریله‌ن سئچیملرده قانونا ضد عنصورلارین معین ائدیلمه‌سی سببیله آلیندیغینا و بو قرارین سئچیم نتیجه‌لرین‌دن آسیلی اولدوغونا ایشاره ائد‌ن آکسوی، بونلاری قید ائتدی:

"سئچیملری یؤنتمه و کنترل ائتمه صلاحیتینی آنایاسامیزدان آلان و عضولری یوکسک محکمه اورگانلاری نماینده‌لری آراسین‌دان سئچیله‌ن یوکسک سئچیم قورولو طرفین‌دن آلینان بو قرارا هر کسین حؤرمت ائتمه‌سی لازیم‌دیر. بنزر حادثه‌لرین داها اول آمریکا بیرلشمیش دؤولتلری و باشقا اؤلکه‌لرده ده باش وئردیگینین، بونلارین دموکراسینین قوراللاری چرچیوه‌سین‌ده حل اولوندوغونون خاطرده توتولماسی لازیم‌دیر. تورک خالقینین ایراده‌سینین صاندیغا ان دوغرو شکیل‌ده عکس اولونماسی هم قانونلاریمیزین هم ده اولوسلارآراسی تعهدلاریمیزین بیر گره‌گی‌دیر. بونون یئرینه یئتیریلمه‌سی، بوندان اولکی سئچیملرده اولدوغو کیمی ۲۳ ژوئنده گئچیریله‌جک سئچیملرده ده اؤلکه‌میزین اؤنجه‌لیگی اولاجاق".



ایلگیلی‌لی خبرلر