جمهور باشقانی اردوغان:"یوز مین‌لرله اینسانی قتله یئتیرن فرانسا تورکیه‌یه درس کئچه بیلمز"

جمهورباشقانی رجب طیب اردوغان، الجزایر و رواندا-داکی سوی قیریملاردا یوز مین لرله اینسانی قتل ائدن فرانسا-نین تورکیه-یه درس کئچه بیلمه‌یه‌جگینی سویله‌دی.

1189231
جمهور باشقانی اردوغان:"یوز مین‌لرله اینسانی قتله یئتیرن فرانسا تورکیه‌یه درس کئچه بیلمز"

پرزیدنت اردوغان ائتدیگی چیخیشدا قتل عام لار، سوی قیریم‌لار، ایشگنجه‌لر و اینسانا یاراشمایان رفتارلارین تاریخینه نظر سالاندا بو گون تورکیه-‌نین قارشی‌سیندا "سوی قیریم و آزادلیق" دئیه سس اوجال‌دان‌لارین گؤروله جگینی بیلدیردی.

 "ارمنی مسئله‌سی و ترورلا موباریزه مسئله‌سی اوزریندن تورکیه-‌یه اینسان حاق‌لاری و دموکراسی درسی کئچمه‌یه جهد ائدن‌لرین قانلی کئچمیشه صاحب اولدوق‌لارینی گؤروروک"دئیه اردوغان وورغولادی.

"25  ایل اول رواندا-دا 800 مین اینسانی سوی قیریمدا کیم‌لرین اؤلدوردوگو آشکاردیر و فاعل لری فرانسیزلاردیر. قالخیب بیزه درس وئریر فران‌سیزلار. نه درسی وئریرسن؟ الجزایرده رواندادا ائتدیگینیز قیرغین‌لاری چوخ یاخشی بیلیریک. "دئدی.

اردوغان "ارمنی سوی قیریمی" مسئله‌سینه دستک وئرن فرانسا پرزیدنتی امانوئل ماکرونا سرت مئساژ وئردی: "الجزایرده، رواندا-دا تؤرتدیگینیز قتل عام لار معلوم‌دور. قتل عام لارین، ایشگنجه‌لرین، سوی قیریمی‌لارین آلتینی قازدیغینیزدا بو گون دموکراسی دن، آزادلیق‌دان دانیشان‌لاری گؤرجکسینیز. بیز آرشیولری آچدیق. ارمنیستان دا آچسین، اوچونجو اؤلکه‌لرده وارسا، اونلار دا آچسین‌لار. تاریخچی‌لر بو مسئله‌نی آراشدیرسین‌لار. سونرا سیاستچی‌لر اولا‌راق بیز دانیشاق. ارمنی مسئله‌سینی ایره‌لی سورن هئچ بیر قروپ و دؤولت ادعا‌لارینی آرشیولری ایله ثبوت ائده بیلمه‌ییب‌لر".



ایلگیلی‌لی خبرلر